SALMOS 3:7 - Biblia Guarani Tumpa Iñee

⁷ ¡Epüa, cheYa! Chereroasayepe cheRu Tumpa. Echa nde reovapete opaete cherovaicho reta; ¡jeko pochɨ vae reta jäi remopë!

SALMOS 3:7 ပူးပေါင်းရင်းမြစ်များ

2 SAMUEL 18:8

Jare ñeraro oñemoai opaete jókuae ɨvɨ rupi; kaa tëɨ yavaete yae vae jeko pegua jeta omano jókuae ara, ñeraro pe etei mbaetɨ tëi jeta ete omano vae.

JOB 16:10

Jeta vae reta oyomboatɨ chekotɨ, jova ambuae omae reta cheré, cherovapete reta ñemomarai pe.

JOB 29:17

Che amopë ipɨapochɨ vae reta jäimbuku, jare jäi güi apɨ̈ro paravete vae.

SALMOS 10:12

¡Epüa cheYa Tumpa, eupi ndepo! ¡Agüɨye neakañɨ paravete vae reta güi!

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 27:3

Yepe tëi jeta vae sundaro oporepeña cheré, ngaraa akɨɨye, yepe tëi oñemopüa oñeraro vaerä chekotɨ reta, aï pɨagüiveñota.

SALMOS 35:23

CheYa Tumpa, chereepɨ, ¡epa jare epüa eyapo cheve jupi vae!

SALMOS 44:23

¿Maera pa reke cheYa? ¡Epa! ¡Epa, agüɨye eyembosɨrɨ oregüi jekuae avei pegua!

SALMOS 58:6

CheRu Tumpa, ¡emopë jäi chugüi reta! CheYa Tumpa, ¡emopë yaguapope raɨ reta jäimbuku rami!

SALMOS 59:5

Nde, cheYa, Tumpa Imbaepuere yae ete vae, Israel iTumpa, epa reiporarauka vaerä opaete tëtaguasu reta pe; agüɨye eiparareko oyembopɨapochɨ ikavimbae rupi vae reta.

SALMOS 6:4

Eyu cheYa Tumpa, ¡eroasayepe cherekove! ¡Chereroasayepe ndeporoparareko rupi!

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

SALMOS 74:11

¿Maera pa ndepo reñomi? ¿Maera pa reñeküavaiño remae?

SALMOS 76:9

repüa reporojäa vaerä yave cheRu Tumpa, jare reroasayepe opaete oiporara ɨvɨ pe vae yave.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

LAMENTACIONES 3:30

emee nderovaɨke, kia nunga vae okua nderé vae pe, eiporara jeta yeyóyai yóyai.

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!