SALMOS 3:4 - Biblia Guarani Tumpa Iñee

⁴ Asapúkai aiporu yemborɨ cheYa pe, jare jae oendu cheve iɨvɨtɨ oñeñono tee vae güi.

SALMOS 3:4 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

SALMOS 119:114

Cheñemía jare cheyeopiaka ko nde, neñee re ko aäro.

SALMOS 138:3

Roenɨi yave, nde reendu cheve, jare chemopɨ̈rata.

SALMOS 18:3

Romboeteta cheYa, jupi ko reyemboeteuka vaerä, nde chereroasayepeta cherovaicho reta güi.

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 27:6

Javoi chemopüata cherovaicho oyere cheré vae reta re, jayave ameeta mɨmba oyeyukagüe itupao guakapi pegua pe, jare ayerovia reve atairarita, mbaemboete yandeYa pe.

SALMOS 28:7

YandeYa jae ko cheñepɨ̈roa jëguambae jare cheyeopiaka, jese ayeko jare chemborɨ. Chemboyerovia, amboeteta tairari pe.

SALMOS 34:4

Aeka yandeYa, jare jae oendu cheve, jare chereepɨ opaete mbae chemongɨɨye vae reta güi.

SALMOS 34:6

Che, paravete vae asapúkai jare yandeYa oendu cheve, jare chereepɨ opaete chepɨatɨtɨ güi.

SALMOS 43:3

Emboesape cheve neñee añete vae, chemboe vaerä nderemimbota re, jókuae tachereraja ndeɨvɨtɨ reñono tee vae kotɨ nde reikoa pe.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

SALMOS 99:9

Pembotuicha yandeYa Tumpa, ¡peyetavatɨka chupe iɨvɨtɨ oñeñono tee vae jóvai! ¡YandeYa Tumpa ko Iyoambae!

PROVERBIOS 2:7

Jae omee arakuaa kavi sɨmbi vae reta pe, jae ko yeopiaka sɨmbi vae reta peguarä;

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

LAMENTACIONES 3:56

Nde reendu cheñee; ¡reyeapɨsaka ayerure ndeve vae re!

San Mateo 7:7

Peiporu mbae Tumpa pe, jare jae omeeta peve. Peeka, jare peväeta. Pembopu öke, jare öke oyepeata peve.

Santiago 5:13

Oime yave kia pepɨte pe oiporara vae, toyerure Tumpa pe. Oime yave kia pepɨte pe oyerovia vae, tomboete Tumpa tairari pe.