SALMOS 27:4 - Biblia Guarani Tumpa Iñee

⁴ Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

SALMOS 27:4 ပူးပေါင်းရင်းမြစ်များ

2 SAMUEL 21:1

David oiko mburuvicharä yave oiko karuai mboapɨ año rupi. Jayave David oparandu yandeYa pe, jare yandeYa jei chupe: “Kuae karuai ou ko Saúl jare taɨ reta jare jëtara reta jeko pegua, echa oyuka reta tëta Gabaón pegua kuimbae reta.”

SALMOS 23:6

Añetete ikavi vae jare mboroparareko oikota che ndive, opaete ara aikove aiko ramboeve, jare yandeYa jo pe aikota jekuae avei rupi.

SALMOS 26:6

Ayepoe ma mbaeyoa güi, jökorai ajata mɨmba oyeapɨ oñemee jese ndeve vae kotɨ, cheYa Tumpa.

SALMOS 26:8

CheYa, che aaɨu ndetupao, ndeyemboetea oïa.

SALMOS 27:8

Nde rere cheve: “¡Chereeka!” Jare che roeka cheYa Tumpa.

SALMOS 50:2

Sión, ipöra yae vae güi Tumpa oyemboyekuaa.

SALMOS 65:4

Oyerovia yae ko jókuae kuimbae reiparavo jare reru ndekotɨ vae, oiko vaerä nderoka pegua cuarto reta pe. ¡Oremoangapɨɨ ndero pegua mbae ikavi yae vae re, ndero oñeñono tee vae pe!

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

SALMOS 84:4

¡Oyerovia ko, ndero pe yogüɨreko vae, jókuae ndemboete avei reta vae!

SALMOS 90:17

YandeYa Tumpa tipɨakavi yandeve. ¡Tipɨakatu yandeve yandeYa, yanderembiapo reta re! ¡Tipɨakatu yandeve, yanderembiapo reta re!

JEREMÍAS 29:13

pe reta chereekata jare cheväeta, echa chereekata opaete pepɨa ndive.

DANIEL 9:3

Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Lucas 10:42

Ërei oime meteiño mbae ikavi yae vae. Jare María oiparavo ikavi vae ndegüi. Jókuae ngaraa kia ipuere opɨ̈ro chugüi.

San Lucas 13:24

—Peñemomɨ̈rata peike vaerä öke ipɨmii vae rupi. Echa che jae peve, jeta vae oipota tëita oike, ërei ngaraa ipuere.

San Lucas 18:1

Jare Jesús imiari ye jemimboe reta pe ombojaanga reve. Omboe vaerä kërai ikavi ko oyerure avei vaerä Tumpa pe jare agüɨye vaerä ikuérai.

San Lucas 2:37

Jare ochenta y cuatro año rupi ma opɨta imemano. Mbaetɨ osɨrɨ tupao güi oyeokuai avei Tumpa pe, oyekuaku tembíu güi jare oyerure Tumpa pe ara rupi jare pɨ̈tu rupi.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

Filipenses 3:13

Cherɨvɨ reta, che etei mbaetɨ ayemongeta aupitɨ ma ko; ërei ayapo vae jae ko cheakañɨ oasagüe güi, jare añejäa aupitɨ vaerä cherenonde oï vae.

1 Timoteo 5:5

Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.

Hebreos 11:6

Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 22:10

Jare jae oparandu yandeYa pe jesegua, omee tembíu chupe jare filisteo Goliat ikɨsepukugüe.

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.