SALMOS 2:9 - Biblia Guarani Tumpa Iñee

⁹ Remoamɨrita mbaepuere yae rupi, ¡mbaerɨru ñaeu pegua rami remonguruvita!”

SALMOS 2:9 ပူးပေါင်းရင်းမြစ်များ

SALMOS 89:23

Jaeño che amoamɨrita jovaicho reta chupe; ¡ayukata jókuae imotareɨa reta!

ISAÍAS 30:14

opata ko oyeka metei ɨvɨñae opa oyeka rami, opaeteita jaɨ jaɨ, mbaetɨta jaɨgüe ave ikavi tätapɨi oyeupi vaerä ani ɨ oyeyara ɨkua güi vaerä yepe.”

ISAÍAS 60:12

Tëtaguasu mbaetɨ oyeokuai ndeve vae, okañɨteita; tëtaguasu reta opaeteita oyemboai.

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 19:11

jare ere chupe reta: ‘YandeYa Imbaepuere yae ete vae jei körai: Kia oyoka ɨrɨru ñaeu pegua yave opa oyembojaɨ jare mbaetɨ ma ikavi oyeapo kavi ye vaerä, jökoraita ayapo kuae ɨvɨ Judá jare tëta guasu Jerusalén. Omanogüe reta oñotɨ retata Tofet pe, mbaetɨ ketɨ oñeotɨ vaerä jeko pegua.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 2:45

jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

San Mateo 21:44

Oime kia nunga vae jókuae ita re ipɨ̈sa-yeyuka yave, oñemopëta ko. Jare kia re jókuae ita oa yave, opata omonguruvi.

Apocalipsis 12:5

Jare kuña imembɨ oa kuimbae; jare jókuae oa vae oyokuaita kuri opaete tëtaguasu reta ipopoka jiero pegua pe. Ërei oyererajauka chugüi imembɨ Tumpa pe, iguapɨa jóvai.

Apocalipsis 19:15

Jare iyuru güi oë metei kɨsepuku jaimbe vae. Pɨpe oyuka vaerä tëtaguasu pegua reta. Jare oporookuaita ipopoka jiero pegua pe. Opɨ̈rota jese reta uva oñetɨami yave oñepɨ̈ro jese vae rami, Tumpa Imbaepuere yae vae iyarasɨ yae rupi.