SALMOS 2:12 - Biblia Guarani Tumpa Iñee

¹² Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

SALMOS 2:12 ပူးပေါင်းရင်းမြစ်များ

GÉNESIS 41:40

Jare añave güive reïta cherëta pe tenondeguarä jare nde rere rami toyeapo cheɨvɨ pe; jaeño ete che aïta ndetenondeguarä.

1 REYES 19:18

Jare che ayapota opɨta vaerä Israel pe siete mil, Baal jóvai mbaetɨ oyetavatɨka vae reta, jare mbaetɨ oovapɨte vae reta.”

SALMOS 1:6

YandeYa oyangareko jupi rupi yogüɨreko vae reta re; ërei mbaeyoa rupi yogüɨreko vae reta okañɨteita.

SALMOS 109:20

¡Körai cheYa tomboepɨuka, chemboeko vae reta pe, ñee ikavimbae jei chekotɨ vae reta pe!

SALMOS 2:5

Jaɨkue rupi jae omomiari iyarasɨ reve, iyarasɨ pe omongɨɨye.

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

SALMOS 31:20

Nde reï jae reta ndive vae rupi reroasayepe oporomomburu vae reta güi; reñono reta ndero guakapi pegua pe rami, jovaicho reta iporoangao güi.

SALMOS 34:8

Peeka jare peikuaa, ikavi ko yandeYa. ¡Oyerovia yae ko kuimbae, jese oyeko vae!

SALMOS 34:9

Peñeñono tee Tumpa pe vae reta, peipoɨu yandeYa güi; echa ngaraa mbae oata oipoɨu chugüi vae reta pe.

SALMOS 40:4

¡Toyerovia kuimbae oyeko yandeYa re vae, mbaetɨ omae ipɨayemboete vae reta re vae, ani tumpa-raanga omboete vae reta re vae!

SALMOS 84:12

CheYa Tumpa Imbaepuere yae ete vae, ¡oyerovia ko jókuae nderé oyeko vae!

PROVERBIOS 16:20

Iñee reendu vae, oiko kavita. ¡Oyerovia ko yandeYa reño oyeko vae!

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

JEREMÍAS 17:7

Ërei, toyekou jókuae kuimbae güɨrovia katu cheré vae, chereño oyeko vae.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

SOFONÍAS 2:2

ndei mborookuai oime pekotɨ vae ou mbove, ndei ara oasa ɨtɨ rami mbove ndei yandeYa iyarasɨ oa peré mbove, ndei ou peré yandeYa iporojäa iara mbove.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

Efesios 1:12

Oyemboeteuka vaerä ore rupi, ore räri Cristo re rogüɨrovia vae reta rupi.

1 Pedro 1:21

Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

1 SAMUEL 10:1

Jayave Samuel oipɨɨ metei asaite jɨru jare opɨyere Saúl iñäka re, jare oovapɨte, jei reve chupe: —YandeYa ndeparavo imbae vae Israel iñemuña reta juvicha guasurä.