SALMOS 18:2 - Biblia Guarani Tumpa Iñee

² CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 18:2 ပူးပေါင်းရင်းမြစ်များ

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

SALMOS 116:1

Aaɨu cheYa, echa jae oendu cheve cheyerure amoñera reve vae,

SALMOS 132:17

Joko pe amboyepotata David imbaepuere, amee ma cherembiparavo pe oiko vaerä tembipe rami.

SALMOS 144:2

Cheparareko vae, cheñepɨ̈roa, chepɨ̈rata nderé vae, chereroasayepe vae, cheyeopiaka, jese ayeko vae, jae oñono opaete cherëtaɨgua reta chembaepuere igüɨ pe.

SALMOS 19:14

Ñee reta ikavigüe toë cheyuru güi, jare chepɨa güi cheyemongeta oë vae nderóvai, cheYa Tumpa, ita guasu cheñepɨ̈roa, chereepɨ vae.

SALMOS 28:1

CheYa Tumpa, ndeveño asapukaita; ita guasu cheñepɨ̈roa, eendu chesapúkai, echa mbaetɨ yave reendu cheyerure, omano vae reta rami ma ko aï.

SALMOS 59:11

Agüɨye opaete voi eyuka, cherëtaɨgua reta oecha vaerä; ndembaepuere pe opa emoai moai, jare emomichi reta. ¡CheYa Tumpa, oreyeopiaka!

SALMOS 62:2

Jaeño ko ita guasu cheñepɨ̈roa jare chereroasayepe vae, ngaraa agüɨapi, echa jae ko cheñepɨ̈roa.

SALMOS 62:7

Tumpa re oï cheyereroasayepe jare cheyemboetea, jae ko ita guasu cheñepɨ̈roa jëguambae jare cheñemía ikavigüe.

SALMOS 75:10

Echa jae omokañɨta iyoa vae reta imbaepuere, ërei jupi vae reta pe oñemoïruta imbaepuere.

SALMOS 91:2

Ere yandeYa pe: “Cheyeroviaka jare cheñepɨ̈roa ko nde; ¡cheTumpa, arovia jese vae!”

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

ÉXODO 15:2

Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

PROVERBIOS 18:10

Ñepɨ̈roka jëguambae rami ko yandeYa jee, jupi vae reta yogüɨraja oñepɨ̈ro jese.

PROVERBIOS 2:7

Jae omee arakuaa kavi sɨmbi vae reta pe, jae ko yeopiaka sɨmbi vae reta peguarä;

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

Hebreos 2:13

Jare jei vi: “Añonota chepɨa jeseño.” Jare jei ye: “Mase, che jare kuae chemichia reta yandeYa omee cheve vae.”