SALMOS 17:4 - Biblia Guarani Tumpa Iñee

⁴ Neñee rupi añeñovatu kuimbae reta oyapo vae güi, jekorai vae reta jembiapo güi.

SALMOS 17:4 ပူးပေါင်းရင်းမြစ်များ

GÉNESIS 6:11

Tumpa jóvai ɨvɨ ipo reta opa oikomegua. Jeta tekorai oyekuaa ɨvɨ pe.

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

JOB 15:16

¡Vɨtei pa kuimbae ikɨa jare jupimbae Tumpa jóvai vae, yɨmbɨaɨ etei jupimbae re, iɨuve yae vae ɨ oyúe rami!

JOB 31:33

Mbaetɨ añomi ayavɨgüe kia reta güi, ïru reta rami, mbaetɨ ayemongeta añomi areko vaerä.

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Mateo 4:4

Ërei Jesús jei chupe: —Tumpa Iñee pe oyekuatía oï körai: “Mbɨyape reñoä ko kuimbae oikoveta, jaeño opaete Tumpa Iñee re.”

San Mateo 4:7

Jayave Jesús jei chupe: —Tumpa Iñee pe oyekuatía vi oï körai: “Agüɨye ejäa ndeYa Tumpa ipɨaguasu.”

San Juan 17:17

Eñono tee reta neñee añete vae rupi. Neñee ko jae añete vae.

1 Corintios 3:3

Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?

Efesios 6:17

Peñono peäka re äka-ɨru jiero pegua yemboasa pegua, jare peiporu Tumpa iñee, jae ko kɨsepuku Espíritu pegua.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.

1 SAMUEL 26:11

YandeYa tacheövatu agüɨye vaerä ayuka jae oiparavogüe. Añave eraja imii jare iɨguarɨru, jare yaja.

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.