SALMOS 17:3 - Biblia Guarani Tumpa Iñee

³ Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 17:3 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

JOB 23:10

Ërei jae chekuaa katu, chejäa yave aëta oro oyeambae rami.

JOB 24:14

Oporoyuka vae ndei köe mbove opüa oyuka paravete vae, jare pɨ̈tu yave omaeñomi.

SALMOS 11:5

YandeYa omae kavi jupi vae reta re, ërei omotareɨ jeko kavimbae vae reta jare ipɨarai vae reta.

SALMOS 119:106

Añererökuavee nderee re, jare jae, ¡ayapota ndeporookuai reta!

SALMOS 139:1

CheYa Tumpa, nde remae kavi cheré, jare chekuaa;

SALMOS 139:23

CheRu Tumpa, emae kavi cheré, eikuaa chepɨa; chejäa, jare eikuaa cheyemongeta reta,

SALMOS 16:7

Tamboete cheYa chemboarakuaa vae; pɨ̈tu rupi ave cheyemongeta chemboe.

SALMOS 26:2

Emae kavi cheré cheYa Tumpa, ¡cheñono morojäa pe! ¡Ejäa cheyemongeta reta jare chepɨa!

SALMOS 39:1

Che jae: “Tayangareko chereko re, agüɨye vaerä cheyoa cheñee rupi, tayeyuruopɨ, jeko kavimbae reta ñogüɨnoi ramboeve cheróvai.”

SALMOS 66:10

OreRu Tumpa, nde ko orejäa, ¡oretɨo kavi, korepoti oyetɨo kaviasɨ rami!

SALMOS 7:4

¿Chevɨa-ïru pe amboyevɨ pa ikavi oyapo cheve vae ikavimbae pe? ¿Apɨ̈ro pa mbae cherovaicho reta güi jupimbae reve?

PROVERBIOS 13:3

Iñee mbaetɨ omoë vae, ikavi vae ko oyapo iyeupe; ërei iñee omoë voi vae, iyeupeguarä aeño ko oyapo ikavimbae.

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

OSEAS 7:6

Jakuvo yae, horno jakuvo iyatapɨa pe rami, horno oatapɨ vae oke pɨ̈tu yave, ërei ndeimbove yave jekuaeño jaku rai.

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 3:2

Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 16:9

Jare pɨ̈tu yave Pablo oecha ike pe metei kuimbae Macedoniaɨgua oyemboɨ oï vae, jare omoñera jei reve: “Easa Macedonia pe oremborɨ.”

1 Corintios 4:4

Yepe tëi chepɨa pe mbaetɨ aikuaa mbae ikavimbae re ayemboeko vaerä, ërei mbaetɨ jókuae güiño jekombae ko che. Echa yandeYa ko jae chejäa vae.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:12

¡YandeYa tiñanejäa, jare jae toyeepɨ nderé cheve! Ërei che mbaetɨta amopüa chepo nderé.

1 SAMUEL 26:11

YandeYa tacheövatu agüɨye vaerä ayuka jae oiparavogüe. Añave eraja imii jare iɨguarɨru, jare yaja.

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.