SALMOS 143:3 - Biblia Guarani Tumpa Iñee

³ Cherovaicho reta oipota cheyuka, chemomichi yae reta; chemondo aiko pɨtumimbía rupi, ɨma ma omanogüe vae reta rami.

SALMOS 143:3 ပူးပေါင်းရင်းမြစ်များ

2 SAMUEL 18:11

Jare Joab jei jókuae kuimbae imiari chupe vae pe: —Reecha tëi reve, ¿maera mbaetɨ reitɨ voi reyuka joko pe? Chepɨakatu reve viña ameeta tëi ndeve payandepo atɨ korepoti jare metei kuakuaa.

2 SAMUEL 2:22

Abner jekuae jei ye chupe: —¡Agüɨye mo chemoña! Royuka yave, ¿këraita pa aja ye nderɨkeɨ Joab jóvai?

SALMOS 142:6

Eyeapɨsaka cheyerure re, echa chepɨatɨtɨ yae aï. Chereepɨ chemomburu vae reta güi, echa jae reta imbaepuere yae chegüi.

SALMOS 35:4

Toñemomaraiuka toyeyoyaiuka oipota cheyuka vae reta; totekuarai reta oñemomarai reve, oipota ikavimbae oyapo cheve vae reta.

SALMOS 54:3

echa ipɨarai vae reta opüa chekotɨ jare oipota cheyuka reta. ¡Oipotaä güɨrovia reta oime ko Tumpa vae!

SALMOS 7:5

Jökorai ko yave, cherovaicho reta tacheraɨkuemoña; tacherupitɨ jare tachembotɨrɨrɨ ɨvɨ rupi, tachemboyapayere ɨvɨ rupi.

SALMOS 7:6

¡Epüa, cheYa Tumpa, ndearasɨ reve! ¡Eyemboɨ cherovaicho reta pochɨ vae pe! Nde ko remee morojäa jupi vae oyeapo vaerä. ¡Eñemoe cheré cheYa!

LAMENTACIONES 3:6

chereeya pɨtumimbía pe, arakae yae ma omano vae reta rami.

EZEQUIEL 37:11

Javoi jei cheve: “Nde kuimbae, opaete kuae maekägüe reta rami ko Israel iñemuña reta. Echa jei reta: ‘Ñanekägüe reta opa otini; mbaetɨ ma ñanoi mbae re yayerovia vaerä, opa ma ñakañɨtei.’

MIQUEAS 7:8

Nde, cherovaicho agüɨye epuka emae cheré, echa yepe tëi agüɨapi, ërei apüa yeta ko; yepe tëi aiko pɨtumimbi rupi; ërei yandeYa oikota tembipe cheveguarä.