SALMOS 14:3 - Biblia Guarani Tumpa Iñee

³ Opaetei opia, metei rami oñererokomegua reta; mbaetɨ kia oyapo ikavi vae, mbaetɨ metei ave yepe.

SALMOS 14:3 ပူးပေါင်းရင်းမြစ်များ

GÉNESIS 6:12

Tumpa omae ɨvɨ pegua reta re, jare oecha opaetei oikomegua ɨvɨ pe, echa opaete vae reta jeko kavi opa oikomegua.

JOB 14:4

¿Kia pa ipuere oekɨ mbae ikɨa vae güi, mbae ikɨambae? Mbaetɨ.

JOB 15:16

¡Vɨtei pa kuimbae ikɨa jare jupimbae Tumpa jóvai vae, yɨmbɨaɨ etei jupimbae re, iɨuve yae vae ɨ oyúe rami!

SALMOS 119:176

Akañɨ aiko, vecha okañɨgüe rami, ¡eyu chereeka che nderembiokuai, echa mbaetɨ cheakañɨ ndeporookuai reta güi!

SALMOS 14:1

Iyarakuaambae jei ipɨa pe: “Mbaetɨ Tumpa.” Oñererokomegua reta, oyapo reta ikavimbae yae vae; mbaetɨ kia oyapo ikavi vae.

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

SALMOS 38:5

Ipeu jare iine ma chepere reta; mbaetɨ chearakuaa jeko pegua chepere.

SALMOS 58:3

Mbaeyoa iyapoa reta, ichɨ jɨe güive voi ma jökorai ou; apu imiari vae reta oa ramo güive voi jökorai.

ÉXODO 12:30

Jókuae pɨ̈tu opüa Faraón jare opaete jembiokuai reta, jare opaete Egiptoɨgua reta; jare täta yae jäse oyaeo reta opaete Egipto pe, echa o ñavo rupi oime tëogüe.

ÉXODO 8:31

Jare yandeYa oyapo Moisés oyerure rami, opa omokañɨ jókuae mberu reta Faraón güi, jembiokuai reta güi, jare opaete jëta pegua reta güi, mbaetɨ ye metei mberu ave opɨta.

ECLESIASTÉS 7:20

Añetete, mbaetɨ metei ave jupi vae kuae ɨvɨ pe, ikavi vae iyapoa jare mbaetɨi iyoa vae.

ECLESIASTÉS 7:29

Aväe chupe vae jaeño kuae: Tumpa oyapo jupi kuimbae, ërei jae aeño oñererokomegua.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

Romanos 3:23

Echa opaete vae iyoa vae reta ko, mombɨrɨ ko ñogüɨnoi Tumpa iyemboetea güi.

1 Corintios 6:5

Körai jae pomomaraiuka vaerä. ¿Mbaetɨ pa ko metei ave iyarakuaa katu vae pepɨte pe ñeapo oñono kavi vaerä peve?

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Efesios 2:3

Tenonde yave opaete yande vi yaiko yandesoo jemimbota reño jae reta rami. Yayapo yepi yandesoo jemimbota reta jare yandeyemongeta retaño. Jáeramo Tumpa iyarasɨ igüɨ pe yaiko, opaete ïru reta rami.

DEUTERONOMIO 1:35

‘Kuae ñemuña reta güi mbaetɨ eteita oecha ɨvɨ kavi, arökuavee amee vaerä peñemuñagüe reta pe vae.