SALMOS 135:6 - Biblia Guarani Tumpa Iñee

⁶ Opaete yandeYa oipota vae, oyapo, ɨvate ara pe jare ɨvɨ pe, ɨguasu pe jare opaete ɨ rugua tɨpɨ yae vae pe.

SALMOS 135:6 ပူးပေါင်းရင်းမြစ်များ

SALMOS 115:3

Nde, oreTumpa oime reï ara pe, nde reyapo ndepɨa oipota rami.

SALMOS 33:11

ërei yandeYa iyemongeta, oikota jekuae avei.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

ISAÍAS 46:10

Che amoërakua mbaembae oasata vae, iyɨpɨ güive voi ma, jare arakae güive voi ma amoërakua mbaembae oasata vae. Che ayemongeta vae, oyeapota ko, ayemongeta ayapo vaerä vae, ayapota ko.

DANIEL 4:32

jare kuimbae reta ipɨte güi ndemombo retata, jare mɨmba reta ñana rupigua ndive reikota, jare guaka reta rami ndemongaru retata; jökorai chiu año reikota, reikuaa regua kërai Tuichagüe yae ete vae ko güɨnoi mbaepuere kuimbae reta iporookuaía re jare jae omee mborookuaía kia nunga vae pe oipota omee yave.”

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

AMÓS 9:6

YandeYa oñono jo ara pe jare ara oasavi vae ɨvɨ iárambo; jae ko omboatɨ ɨ reta ɨguasu pegua, jare opɨyere ɨvɨ iárambo. Jae ko jee yandeYa.

San Mateo 14:25

Jare köeta ma yave, Jesús oguata ou ikotɨ reta ɨguasu iárambo.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.