SALMOS 128:2 - Biblia Guarani Tumpa Iñee

² Reu ndeparavɨkɨagüe yave, reyeroviata ko jare reiko kavita.

SALMOS 128:2 ပူးပေါင်းရင်းမြစ်များ

GÉNESIS 3:19

Nderɨaipoagüe rekaruta, jökorai reo ye regua reyea ɨvɨ ndive, echa ɨvɨ güi ko reyeapo; ɨvɨkúi ko nde, jare ɨvɨkuirä ko reo yeta.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 109:11

Mbia iya, topa topɨ̈ro imbaembae chugüi reta. Ketɨgua reta topa topɨ̈ro chugüi reta, iparavɨkɨ rupi güɨnoigüe.

ECLESIASTÉS 8:12

¡Yepe tëi iyoa vae, jeta iyoa reve oikopuku! Ërei che aikuaa vae, jae ko, yogüɨreko kavita Tumpa güiño oipoɨu vae, jaeño omboete vae;

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

JEREMÍAS 22:15

¿Reyemongeta pa mburuvicha guasurä reï ndero reñova kavi ɨ̈vɨrare pe jeko pegua? Nderu oiko kavi, echa oyapo jupi vae jare sɨmbi vae, jáeramo oë kavi opaete mbaembae chupe.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

Efesios 6:3

reiko kavi vaerä, jare reikopuku vaerä ɨvɨ pe.

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 28:39

Peñotɨ tëita uva, peyangarekota jese, ërei ngaraa peu tɨgüegüe ani iagüe yepe, echa taso opata jou.

DEUTERONOMIO 28:4

Peyekouta peraɨ reta rupi, peremitɨ reta ia re, perɨmba reta imembɨ re, peguaka reta imembɨ re, jare pevecha reta re.

DEUTERONOMIO 28:51

Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.

DEUTERONOMIO 28:8

YandeYa ombouta peavatío re iporerekua jare opaete mbaembae peyapo vae re; iporerekuata peré kuae ɨvɨ omeeta peve vae pe.