SALMOS 127:2 - Biblia Guarani Tumpa Iñee

² Oparavɨkɨ vae oparavɨkɨiño ma ko ndeimboveasɨ güive kaaruasɨ regua jare jasɨ katu reve oväe jembiurä, echa Tumpa oaɨu vae pe, jae omee oke ipɨagüive vaerä.

SALMOS 127:2 ပူးပေါင်းရင်းမြစ်များ

JOB 11:18

Reyererovia katuta, echa oime neräro mbae ikavi vae, remaeta ndeɨ́vɨri, jare reke pɨagüiveta.

SALMOS 3:5

Ayapakua jare ake, jare apa ye, echa cheYa oyangareko cheré.

SALMOS 4:8

Mbɨakatu reve ayapakuata jare jökorai aketa, echa ndeño cheYa, remee aiko pɨagüive.

SALMOS 60:5

Oasayepe vaerä nderembiaɨu reta, ¡eroasayepe ndembaepuere pe! ¡Eendu cheve!

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

ECLESIASTÉS 1:14

Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 5:12

Mbaravɨkɨ regua paravete vae, yepe michi okaru ani jeta okaru, ërei oke pɨagüive; ërei ngatu oikokatu vae, jeta mbaembae güɨnoi jeko pegua mbaetɨ oke pɨagüive.

ECLESIASTÉS 6:7

Opaete kuimbae iparavɨkɨ jae ko okaru vaerä, ërei mbaetɨi yangapɨɨ.

JEREMÍAS 31:26

Jökorai yave apa jare amae. Chepaɨu ikavi yae cheve.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.