SALMOS 12:3 - Biblia Guarani Tumpa Iñee

³ YandeYa omokañɨteita opaete iñee-yukɨ imiari vae reta, oyembotuicha reve imiari vae,

SALMOS 12:3 ပူးပေါင်းရင်းမြစ်များ

JOB 32:22

Echa mbaetɨ aikatu aporombotuicha, ¡echa jökorai yave, aramoete yandeapoa oiporaraukata cheve!

SALMOS 116:11

Ayemongetambae reve jae: “Opaete vae yapu vae päve ko.”

SALMOS 140:12

Aikuaa yandeYa oyapota jupi vae oiporara vae pe, jare mbae oata chupe vae pe.

SALMOS 17:10

Iyeupeguaräño oaɨu reta imbaeyekou, oyembotuicha reve imiari reta.

SALMOS 55:22

Eeya ndeyemoambeko yandeYa pe, jae neñono kavita; jae ngaraa omaeño ogüɨapi kuimbae jupi vae.

ÉXODO 15:9

Tovaicho jei: ‘Taɨkuemoña aupitɨ regua, jare opa tamboyao apɨ̈ro chugüigüe chepɨakatu apɨta regua. Tanoe chekɨsepuku, jare chepo tomboai reta.’

PROVERBIOS 18:21

Ñee güɨnoi mbaepuere, mano peguarä jare tekove peguarä, iñee omoë vae, jókuae jekoviata chupe.

PROVERBIOS 26:24

Ipɨa pe oporomotareɨ vae, mbaetɨ omboyekuaa imiari yave, ërei ipɨa pe oyemongeta ikavimbae.

ISAÍAS 10:10

Aväe tëtaguasu reta itumpa-raanga reta jeta yae vae, jeta itumpa-raanga reta Jerusalén güi jare Samaria güi vae.

ISAÍAS 59:4

Mbaetɨ kia oñeapo jupi rupi, mbaetɨ vi kia oporojäa añetegüe rupi. Güɨrovia katu reta apu re, jare ñee añetembae re; ipurúa reta rami ikavimbae pe, jare omoë reta mbaeyoa.

JEREMÍAS 12:6

Echa nderɨkeɨ ani nderɨvɨ jare nerëtara reta ave oñemopüa ndekotɨ, osapúkai púkai ndekotɨ reta. Agüɨye erovia katu, yepe tëi nemomiari kavi reta.

JEREMÍAS 9:8

Uvɨ jakuarovi rami ko iñee reta; apuño imiari reta; imiari kavi reta iñeïru ndive mbɨakatu re, ërei ipɨa pe oporopïaro reta.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

MALAQUÍAS 3:13

YandeYa jei: “Peñee reta jasɨ katu yae chekotɨ. Jare pere: ‘¿Mbae pa roe ndekotɨ?’

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.

Apocalipsis 13:5

Oñemee vi chupe jei vaerä mbae tuichagüe jare ñee ikavimbae vae Tumpa kotɨ. Oñemee chupe mbaepuere oyapo vaerä jókuae ikavimbae cuarenta y dos yasɨ.

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.