SALMOS 113:5 - Biblia Guarani Tumpa Iñee

⁵ ¿Kia pa yandeYa Tumpa rami? ¿Kia pa güɨnoi iporookuaía ɨvate yeyé?

SALMOS 113:5 ပူးပေါင်းရင်းမြစ်များ

SALMOS 103:19

YandeYa oñono iguapɨa ara pe, jare iporookuaía oï opaete re.

SALMOS 11:4

CheYa oï jëta ikɨambaea pe. CheYa iguapɨa güɨnoi ara pe, jae oecha opaete vae, omae kavi yae opaete kuimbae reta re.

SALMOS 35:10

Opaete chepɨa ndive jaeta: “¿Kia pa nde rami cheYa? Reepɨ oikoasɨ katu vae, imbaepuere yae chugüi vae ipo güi; paravete vae jare mbae oata chupe vae, imbaeyuvanga katu vae güi.”

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

SALMOS 89:7

Tumpa kɨɨyea araɨgua reta ipɨte pe, tuicha yae opaete iyɨ́vɨri rupi ñogüɨnoi vae reta pe.

SALMOS 89:8

CheYa Tumpa, Tumpa Imbaepuere yae ete vae, ¿kia pa nde rami? Ndembaepuere yae ko cheYa, añete vae pe reñeova etei reï.

SALMOS 89:9

Nde renoi mbaepuere ɨguasu iñaro re, remokïrii opüa yave iɨaparúa reta;

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:25

Tumpa Iyoambae oparandu: “¿Kia ndive pa chemboyovaketa pe reta? ¿Kia pa ipuere chemboyovake?”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

DEUTERONOMIO 33:26

Mbaetɨ kia omboyovake Jesurún iTumpa, jae oguata ɨvate rupi pemborɨ vaerä jare amapɨtu reta re imbaepuere reve.