3 ¡Toyemboete yandeYa jee, opaete kerupi!
Romboeteta cheYa, jupi ko reyemboeteuka vaerä, nde chereroasayepeta cherovaicho reta güi.
CheRu Tumpa, nderee Tuichagüe oï rami, jökorai ndemboete vae opaete ɨvɨ rupi. Ndembaepuere ndive reyapo jupigüe.
YandeYa, Tumpa imbaepuere tumpa-raanga reta güi vae, imiari; oenɨi opaetei ɨvɨ pegua reta.
¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!
Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.
Ɨvɨ iyapɨ kotɨ güi roendu otairari reta yandeYa pe körai: “¡Toyemboeteuka Jupi yae vae!” Ërei che jae: “¡Atataɨ, maera pa ko jökorai mbatee!” ¡Jupimbae reta oyapo ikavimbae yae vae!
¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.
Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.
Echa yandeYa iyemboetea regua jërakuata opaete ɨvɨ rupi, ɨ omotɨnɨe ɨguasu rami.
Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.
Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”
