SALMOS 10:4 - Biblia Guarani Tumpa Iñee

⁴ Jeko kavimbae, ipɨayemboete yae jeko pegua mbaetɨ ndereeka cheRu Tumpa; mbaetɨ oipoɨu ndegüi.

SALMOS 10:4 ပူးပေါင်းရင်းမြစ်များ

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

JOB 22:17

Jei reta Tumpa pe: “¡Esɨrɨ katu oregüi! ¿Mbae pa ndepuere reyapo oreveguarä Imbaepuere yae ete vae?”

SALMOS 101:5

Amokañɨteita jókuae japicha omoërakua pɨ̈chɨi vae; ¡mbaetɨta chepɨaguasu jókuae ipɨayemboete jare iyembotuicha vae pe!

SALMOS 18:27

Echa nde reroasayepeta tëta oiporara vae, ërei remomichita oyembotuicha vae.

SALMOS 27:8

Nde rere cheve: “¡Chereeka!” Jare che roeka cheYa Tumpa.

SALMOS 36:1

Mbaeyoa jei jupimbae ipɨa pe, mbaetɨ vaerä oipoɨu Tumpa güi.

SALMOS 53:1

Mbaetɨ iyarakuaa vae reta oyemongeta ipɨa pe mbaetɨ ko Tumpa; opa oikomegua, oyapo ikavimbae yae vae; ¡mbaetɨ etei kia ave oyapo ikavi vae!

SALMOS 73:11

Jare jei ipɨapochɨ vae reta: “¿Këraita pa oikuaa Tumpa? ¿Oikuaata yera Tuichagüe yae ete vae?”

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

PROVERBIOS 21:4

Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

SOFONÍAS 2:3

Peeka yandeYa, opaete ipɨa omomichi vae reta, iporookuai oyapo vae reta. Peyapo jupi vae jare peñemomichi, jayave, güɨramoi peñeñovatuta yandeYa iporojäa iara pe.

San Marcos 7:21

Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae,

Hechos 8:22

Eeya kuae ndeyemongeta ikavimbae, jare eyerure Tumpa pe. Güɨramoi iñɨ̈rota ndeve kuae ndepɨa pe reyemongeta vae re.

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Efesios 2:12

jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.

DEUTERONOMIO 8:14

javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;