SALMOS 10:3 - Biblia Guarani Tumpa Iñee

³ Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 10:3 ပူးပေါင်းရင်းမြစ်များ

1 REYES 20:25

jare nde emopüa ïru sundaro jókuae opa remokañɨ rami, kavayu reguarä vae reta kavayu re jare käretou ñeraro peguarä vae reta käretou pe. Jayave ñañoraro jae reta ndive, yaecha ra ipuere ye ñanemoamɨri reta. Ben-adad oendu kuae yemongeta chupe, jare oyapo jökorai.

JOB 31:24

Mbaetɨi oro re añono chepɨa, jare jae cheyeupe: “Kuae re taiko.”

SALMOS 35:21

Tuicha opopira reta iyuru chekotɨ; jei reta: “¡Ore etei roecha!”

SALMOS 49:18

Yepe tëi oikove oiko ramboeve, oyerovia katu, jare imbaeyekou jeko pegua omboete yae vae.

SALMOS 49:6

Imbaembae reño oyeko vae reta, jare jeta yae imbaeyekou re oyemboete vae reta,

SALMOS 5:6

Remokañɨtei ko apu rupi imiari vae reta, pɨ̈chɨi ko ndeve oporoyuka vae jare oporombotavɨ vae.

SALMOS 52:1

¿Maera pa reyembotuicha ndereko kavimbae re, nde imbaepuere yae vae? ¡Tumpa iporoaɨu opambae ko!

SALMOS 94:4

¿Kërai yave regua pa jeita mbae jasɨ katu vae, jare oyemboeteta iyé ikavimbae iyapoa reta?

ÉXODO 15:9

Tovaicho jei: ‘Taɨkuemoña aupitɨ regua, jare opa tamboyao apɨ̈ro chugüigüe chepɨakatu apɨta regua. Tanoe chekɨsepuku, jare chepo tomboai reta.’

PROVERBIOS 28:4

Tumpa iporookuai güi oyembosɨrɨ vae reta omboete iyoa vae reta, ërei mborookuai oyapo vae reta oyoaka jókuae reta ndive.

ECLESIASTÉS 7:15

Opaete kuaekuae aecha michi pegua aikoveño aiko ramboeve, jae ko: Kuimbae jupi vae omano jupi rupi oiko reve, jare oime iyoa vae iyoa oiko reve oikopuku.

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

HABACUC 2:9

¡Paravete, omotɨnɨe jo mbaembae oñomigüe pe vae, ombokavi jo oasayepe vaerä ikavimbae güi!

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 12:19

Jayave che jaeta cheyeupe: ‘Jeta yae mbae renoi, oupitɨta ɨma año pegua. Eputuu, ekaru, ekau jare eyerovia.’

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Efesios 5:5

Echa pe reta peikuaa ko metei ave aguasa oyapo vae, ani ikɨa Tumpa jóvai vae, ani imbae potarai vae (kuae ko itumpa-raanga pota vae reta) ngaraa yogüɨreko Cristo jare Tumpa iporookuaía pe.

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’

DEUTERONOMIO 32:19

Jare jókuae yandeYa oecha yave iyarasɨ, taɨ jare tayɨ reta iporogüɨröɨro ikotɨ ramo;

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

Santiago 4:13

Peyeapɨsaka kuae re, pe: “Añave ani pɨareve yaja jókuae tëta guasu pe, jare yaiko joko pe metei año. Yagua mbaembae jare ñamee ñamongana vaerä korepoti”, pere vae reta.

Santiago 4:16

Ërei ngatu jökorai pere vaerägüe, peyemboete pepɨarai reño. Opaete jókuae nunga yemboete, ikavimbae ko.

1 Juan 2:15

Agüɨye peaɨu kuae ɨvɨ, ani mbaembae ɨvɨ pegua. Oime yave kia kuae ɨvɨ oaɨu vae, mbaetɨ ko oaɨu Tumpa;

JUECES 17:2

jae oyemombeu ichɨ pe, jei: —Jókuae mil cien reare korepoti pegua oñomi ndegüi vae re reyepopeyu vae, che oime anoi jókuae korepoti. Che ko añomi ndegüi; ërei añave tamee ye ndeve, echa aendu rere jókuae korepoti reñono tee ko yandeYa peguarä, remondo vaerä reyapouka metei mbae iä oñeopa vae jare oyemondɨkui vae korepoti pegua. Jare omee ye chupe korepoti. Jayave ichɨ jei: —¡Tumpa tiporerekua nderé chemembɨ!

1 SAMUEL 23:21

Jare Saúl jei: —YandeYa tiporerekua peré, echa pe reta cheparareko.