SALMOS 1:4 - Biblia Guarani Tumpa Iñee

⁴ Ërei iyoa vae reta mbaetɨ jökorai, mbae javiyugüe ɨvɨtu güɨroveve vae rami.

SALMOS 1:4 ပူးပေါင်းရင်းမြစ်များ

JOB 21:18

Jae reta kapii ramiño ko ɨvɨtu güɨroveve, ani mbae javiyugüe rami ɨvɨtuai opa güɨraja.

JOB 8:13

Jökorai ko opaete iñakañɨ Tumpa güi vae reta, iyoa vae reta oäro tëi vae okañɨta ko.

SALMOS 35:5

¡Toyogüɨreko reta, mbae javiyugüe opa ɨvɨtu güɨroveve rami, ndearaɨgua omoña reta yave!

SALMOS 37:36

Ërei opa oasa, jare mbaetɨ ma oiko, aeka tëi, ërei mbaetɨ ma aväe.

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 29:5

Ërei güɨramoiño, outa yandeYa Imbaepuere yae ete vae oiporarauka vaerä nderovaicho reta pe ara rɨapu rupi, ɨvɨkana rupi, mbae täta jɨapu vae rupi, ama ɨvɨtuai reve jare kusumirou guasu rupi, jare tata yavaetegüe rupi. Jare jókuae nderovaicho jeta yae vae opɨtata ɨvɨkúi rami, jare jëia yae vae reta opɨtata ɨtɨ rami.

JEREMÍAS 13:24

Jáeramo che opata pomoai moai, ɨvɨtu opa kapii javiyugüe güɨroveve ñuu pe rami.

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

San Mateo 3:12

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”