RUT 1:6 - Biblia Guarani Tumpa Iñee

⁶ Jayave oyemongeta oyerova ye vaerä imembɨtatɨgüe reta ndive ɨvɨ Moab güi; echa jërakua chupe, Tumpa iporomborɨ rupi oime ye ma tembíu jókuae jëtagüe pe.

RUT 1:6 ပူးပေါင်းရင်းမြစ်များ

GÉNESIS 21:1

YandeYa opou Sara pɨri jae jei rami, jare oiparareko Sara, jae omoërakua rami,

GÉNESIS 28:20

Jacob oñererökuavee jei reve: “Tumpa ojo yave che ndive, jare cheñovatu yave kuae cheguata pe omee reve cherembiurä, jare temimonde omee yave amonde vaerä;

GÉNESIS 48:15

Jare körai jei ñee kavi José kotɨ: “Tumpa, jae jemimbota rupi oguata cheramɨi Abraham jare cheru Isaac vae. Jae cheangareko aiko güive añave regua.

GÉNESIS 50:25

Jare José oyapouka Israel taɨ reta pe ñererökuavee Tumpa rovake oyapo reta vaerä, jei reve: “Añetete Tumpa outa pemborɨ, jare pe reta perajauka kuri kuae güi cheretegüe.”

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

SALMOS 111:5

oipoɨu chugüi vae reta pe omee tembíu; ¡imaendúa aveita, morogüɨrökuavee päve oyapo vae re!

SALMOS 132:15

Cheporerekuata jeta tembíu rupi jese, paravete vae reta joko pe yogüɨreko vae amoangapɨɨta.

SALMOS 145:15

Opaete vae ndereño oäro, nde remee jembiurä iara pe kavi.

SALMOS 146:7

Oyapo jupi vae oiporara vae reta pe, omongaru yɨmbɨaɨ vae reta. YandeYa oyora tembipɨɨrä yogüɨreko vae reta;

SALMOS 147:14

Jae güeru mbɨakatu ndeve, omee ndeve jeta trigo ikavigüe.

ÉXODO 3:16

Ekua, jare emboatɨ Israel iñemuña reta itenondegua reta, jare ere chupe reta: “YandeYa, peñemuñagüe Abraham, Isaac jare Jacob iTumpa oyekuaa cheve jare jei añetete outa ko pemborɨ vae, oecha ko opaete Egiptoɨgua reta oyapo pekotɨ vae.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

PROVERBIOS 30:8

Pɨayembotuicha jare apu embosɨrɨ chegüi, agüɨye tacheparavete ani taikokatu; jaeño agüɨ ye emboata cheve tembíu,

ISAÍAS 55:10

“Echa ama jare iroɨ oa ara güi rami, jare mbaetɨ ojo ye jokotɨ, jaeño omoäkɨ ɨvɨ, jare omojeñɨi temitɨ reta jare omboia, jare omee jäɨgüe omaetɨ vae pe, jare tembíu okaru vae pe,

JEREMÍAS 29:10

“YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

San Mateo 6:11

Emee ara ñavo orerembiurä.

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

San Lucas 19:44

Jare jae reta opata ndembosururu jare oyukata opaete ndepɨpe yogüɨreko vae reta. Ngaraa oeya reta metei ita ïru ita iárambo, mbaetɨ ramo reikuaa Tumpa ou tëi ndemborɨ vae.”

1 Timoteo 6:8

Jáeramo, ñanoi yave añave yanderembiurä jare yanderemimonderä, yaiko yandepɨakatu reve.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

RUT 1:5

Jare omano vi Mahlón jare Quelión; jökorai Noemí opɨta iyangarekoambae, imembɨraɨembae jare imembae.

RUT 1:7

Jayave oë jókuae oikosea güi, mókoi reve imembɨtatɨgüe ndive, jare omboɨpɨ reta oguata yogüɨraja vaerä ɨvɨ Judá kotɨ;

1 SAMUEL 2:21

Jare yandeYa iporerekua Ana re. Opaete reve imembɨ mboapɨ kunumi mókoi kuñatai; jare kunumi Samuel okuakuaa yandeYa jóvai.