RUT 1:15 - Biblia Guarani Tumpa Iñee

¹⁵ Jare Noemí jei chupe: —Mase, ko chemembɨtatɨ oyerova ye ma jëta kotɨ jare itumpa reta kotɨ; nde ekua vi jaɨkue.

RUT 1:15 ပူးပေါင်းရင်းမြစ်များ

2 REYES 2:2

Elías jei Eliseo pe: —Epɨta kuae pe, echa yandeYa chemondo Bet-el kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jayave yogüɨraja päve reta Bet-el kotɨ.

SALMOS 125:5

ërei opia teko ikavimbae rupi vae reta, yandeYa güɨrajata jeko ikavimbae reta ndive. ¡Mbɨakatu toï Israel pe!

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

NÚMEROS 10:30

Ërei Hobab jei chupe: —Mbaetɨta aja, ajata cheɨvɨ kotɨ jare cherëtara reta kotɨ.

San Lucas 24:28

Jare ojo oväe reta tëta raɨ yogüɨrajaa pe yave, Jesús oasata ojo rami oyeapo chupe reta.

Hebreos 10:38

Tumpa ombojupi vae güɨnoita tekove oporogüɨrovia ramo; ërei oime yave kia opia, ngaraa chemboyerovia.”

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 24:19

Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.

RUT 1:14

Jare jae reta jekuae oyaeo ye. Jökorai Orfa oñemokɨ̈reɨ oyerova ye vaerä jare oovapɨte imesɨgüe jare ojo, ërei Rut opɨta jae ndive.

RUT 1:16

Ërei Rut jei chupe: —¡Agüɨye chemoñera roeya vaerä jare asɨrɨ vaerä ndegüi! Nde reoa rupi, che taja, jare kerupi nde reikoa pe, che taiko vi; nerëta toiko cherëtarä, jare neTumpa toiko vi cheTumparä.