Romanos 9:7 - Biblia Guarani Tumpa Iñee

⁷ Jaeramiño vi opaeteä ko Abraham iñemuña reta, taɨ añetete vae. Echa Tumpa jei Abraham pe körai: “Isaac rupi renoita neñemuña añetete vae.”

Nuevo Testamento Guaraní Pe

⁷ Jae ramiño vi mbaeti co opaete Abraham iñemoña reta Abraham taɨ añetete vae reta. Echa Tumpa jei Abraham pe corai: “Isaac iñemoña retaño co jae neñemoña añetete vae reta”. Jocorai jei.

Romanos 9:7 ပူးပေါင်းရင်းမြစ်များ

GÉNESIS 21:12

Jayave Tumpa jei Abraham pe: “Agüɨye eyemoambeko michia re jare nderembiokuai kuña re; opaete Sara jeigüe eendu, echa Isaac rupiño oimeta neñemuña.

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Lucas 16:30

Jayave kuimbae oikokatuse vae jei Abraham pe: ¡Ngaraa oyeapɨsaka jese reta, cheru Abraham! Ërei ojo yave omanogüe oikove ye vae imiari chupe reta, oeya retata ko iyemongeta ikavimbae ipɨa pe güɨnoi vae.

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Juan 8:33

Judío reta jei chupe: —Abraham iñemuña reta ko ore. Mbaetɨi ko tembiokuai ore, ¿maera pa rere royeyorata ko?

Gálatas 4:23

Jare jókuae tembiokuai kuña imembɨ oa kuimbae jemimbota rupi. Ërei jembireko imembɨ oa Tumpa iporogüɨrökuavee rupi.

Gálatas 4:28

Jayave cherɨvɨ reta, yande ko Isaac oa morogüɨrökuavee rupi vae rami.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Hebreos 11:18

Tumpa jei yave chupe: “Isaac rupiño oimeta neñemuña.”