Romanos 9:3 - Biblia Guarani Tumpa Iñee

³ Echa aipotaecha ayembosɨrɨ Cristo güi, metei yepopeyu oa jese vae rami, aaɨu ramo, cherɨvɨ reta. Jae ko cherëtara reta.

Nuevo Testamento Guaraní Pe

³ Echa aipota tei añemboyao vaera Cristo güi metei yepopeyu oa jese vae rami, jocorai chepuere yave amborɨ cherɨvɨ reta. Jae reta co cherentaɨgua reta.

Romanos 9:3 ပူးပေါင်းရင်းမြစ်များ

GÉNESIS 29:14

Labán jei chupe: “Añetete nde jae ko chekägüe jare chesoo ïru.” Jacob opɨta Labán pɨri metei yasɨ.

2 SAMUEL 18:33

Jayave mburuvicha guasu ipɨa kërai jare ojo o oï jókuae öke iárambo vae pe oyaeo. Jare oguata jare oyaeo reve jei: “¡Cheraɨ Absalón! ¡Cheraɨ Absalón! ¡Mbae mona che amano nderekovia pe! ¡Cheraɨ Absalón, cheraɨ!”

ESTER 8:6

Echa, ¿këraita pa aropɨa cherëtaɨgua reta pe ou oväe ikavimbae vae? ¿Këraita pa aropɨa opa oñemokañɨtei vae?

ÉXODO 32:32

Añave romoñera, neɨ̈ro chupe reta iyoa re, jare mbaetɨ yave neɨ̈ro, ¡emboai cheree tembikuatía pe reikuatía vae güi!

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 28:21

Jayave jae reta jei chupe: —Mbaetɨ kia ombou tupapire oreve Judea güi nderegua. Jare mbaetɨ vi ou metei ave ñanerëtara joko güi omombeu vaerä oreve ani jei vaerä ikavimbae vae nderegua.

Romanos 1:3

Taɨ Jesucristo regua. Jae ko ou David iñemuña reta rupi kuae ɨvɨ pe.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 11:14

aipota amoñemoägüɨro pekotɨ judío reta, jökorai oyemboasauka vaerä amogüe.

Romanos 16:11

Tamaraeme vi toï cherëtaɨgua Herodión. Jaeramiño vi Narciso jo pegua oporogüɨrovia vae reta.

Romanos 16:21

Timoteo chemborɨ vae jare cherëtara Lucio, Jasón jare Sosípater omondo tamaraeme peve.

Romanos 16:7

Jaeramiño vi tamaraeme toï Andrónico jare Junias. Jae reta ko cherëtaɨgua reta, yogüɨrekose tembipɨɨrɨru pe che ndive vae. Imboetea yae temimondo reta ipɨte pe vae, jae reta ko güɨrovia Cristo re ndei che arovia mbove vae reta.

Romanos 9:2

kërai chepɨatɨtɨ yae, jare chepɨa etei jasɨ avei.

1 Corintios 12:3

Jáeramo aipota peikuaa: Tumpa iEspíritu rupi imiari vae, ngaraa oyepopeyu Jesús re. Jaeño Espíritu Santo rupi ipuere kia jei: “¡Jesús ko jae cheYa!”

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

Gálatas 1:8

Ërei oime yave kia oregüi ani metei araɨgua omombeu peve mboromboe ambuaeyee vae, romombeu ma peve vae güi, Tumpa toiporarauka chupe.

Gálatas 1:9

Kuae roe ma tenonde peve, ërei añave tae ye peve: Oime yave kia oporomboe ambuaeyee, pemboresive ma vae güi, Tumpa toiporarauka chupe.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Efesios 6:5

Tembiokuai reta, peyapo peya reta jei vae pemboete reve jare peipoɨu reve, jupi reve kavi, Cristo pe peyeokuai rami.

DEUTERONOMIO 21:23

agüɨye pemaeño tipɨ̈tu jetegüe ɨvɨra re; jókuae ara voi peñotɨ; echa Tumpa iyepopeyu rupi ko omano, ɨvɨra re osagüɨu omano vae; agüɨye pemongɨa peɨvɨ yandeYa Tumpa omee peveguarä vae.

1 SAMUEL 14:24

Ërei kuimbae reta Israel iñemuña reta jókuae ara ikangɨ jare yɨmbɨaɨ, echa mbaetɨ etei mbae jou reta metei ave yepe omoañete vaerä Saúl Tumpa rovake jei vae: “Tomano jókuae mbae jou kuae ara ndei pɨ̈tu mbove vae, ndei cherovaicho reta amoamɨri mbove.”

1 SAMUEL 14:44

Jare Saúl jei: —¡Tumpa täta toiporarauka cheve, mbaetɨ remano yave Jonatán!