Romanos 8:9 - Biblia Guarani Tumpa Iñee

⁹ Ërei pe reta mbaetɨ ma peiko soo jemimbota rupi, peiko ma Espíritu Santo jei vae re, oime yave jae oiko pe ndive. Ërei kia mbaetɨ güɨnoi Cristo iEspíritu vae, jae imbaeä ko.

Nuevo Testamento Guaraní Pe

⁹ Erei pe reta mbaeti peico peremimbota reño. Peico Espíritu Santo jemimbota re. Echa Tumpa iEspíritu oico pepɨa pe. Echa Cristo iEspíritu mbaeti güɨnoi vae mbaeti co Cristo imbae.

Romanos 8:9 ပူးပေါင်းရင်းမြစ်များ

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

San Lucas 11:13

Yepe tëi pe reta perekopochɨ, ërei pemee mbaembae ikavi vae pemichia reta pe. Vɨtei pa peRu ara pe oï vae omeeta Espíritu Santo, oyerure chupe jese vae reta pe.

San Juan 14:17

Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

San Juan 3:6

Yandesɨ güi yaa yave, ñanoi tekove ɨvɨ peguaño. Ërei Espíritu Santo rupi yaa yave omee yandeve tekove Espíritu pegua.

Hechos 16:7

Jare ɨvɨ Misia pe yogüɨraja oväe yave, oipota tëi yogüɨraja ɨvɨ Bitinia pe. Ërei Espíritu Santo omaeñoä yogüɨraja vaerä.

Romanos 7:5

Echa yaikove yaiko ramboeve, yayapose yandepɨa jemimbota reta ikavimbae vaeño, mborookuai jei agüɨye vaerä yayapo ramo, jare yandereraja mano kotɨ.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 3:16

¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?

1 Corintios 6:17

Ërei jókuae oñemoïru yandeYa ndive vae oyeapo ko metei ramiño yandeYa ndive.

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Gálatas 5:24

Ërei Cristo imbae ma vae reta oikutu ma kurusu re opaete soo jemimbota reve.

Efesios 1:13

Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Filipenses 1:19

echa aikuaa opaete kuae ikavita ko cheve ayeyora vaerä, pe reta peyerure cheré ramo, jare Jesucristo iEspíritu chemborɨ ramo.

2 Timoteo 1:14

Eñovatu ñee añete vae oñemee ndeve Espíritu Santo oiko yandepɨa pe vae rupi.

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 4:13

Jare kuae re yaikuaa yaiko ko Tumpa re vae, jare jae oiko ko yanderé vae, jae ko Espíritu Santo omee yandeve vae rupi.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 20:15

Jare jee mbaetɨ oyekuatía jókuae tembikuatía tekove pegua pe vae oyemombouka tata guasu pe.