Romanos 8:3 - Biblia Guarani Tumpa Iñee

³ Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Nuevo Testamento Guaraní Pe

³ Moisés iporoócuai mbaeti ipuere ñanemborɨ, mbaeti ñandepuere yayapo mboroócuai jeigüe rambue. Jae rambue Tumpa ñanemborɨ. Echa ombou Taɨ etei cuae ɨvɨ pe. Taɨ oyeapo metei cuimbaera. Yepe tei opaete ɨvɨ pegua reta iyoa, jae mbaeti co iyoa. Ou omano vaera ñanembaeyoa re. Omoamɨri mbaeyoa, agüɨye vaera mbaeyoa güɨnoi mbaepuere ñanderé.

Romanos 8:3 ပူးပေါင်းရင်းမြစ်များ

NÚMEROS 21:9

Jare Moisés oyapo metei mboiraanga jiero iyu vae pegua, jare oñono metei ɨvɨra iyapɨte re; jare kia nunga vae oichuu yave mboi, omae jókuae mboi jiero iyu vae pegua re yave okuera.

NÚMEROS 28:22

Pemee vi metei kavara kuimbae Tumpa iñɨ̈ro vaerä mbaeyoa re, peñeñono kavi vaerä.

San Marcos 15:27

Jare sundaro reta oikutu vi kurusu re mókoi imonda vae reta Jesús ndive, metei iyakatu kotɨ jare ïru iyasu kotɨ.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.

Hechos 13:39

Echa mbaetɨ pepuere peyembojupiuka Moisés iporookuai rupi vae, añave pepuere peyembojupiuka perovia jese yave.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 6:6

yaikuaa kërai yandereko indechigüe oyekutu kurusu re Cristo ndive, oyemboai vaerä mbaeyoa yanderete re oï vae, agüɨye vaerä mo jekuaeño yaiko mbaeyoa jeia re.

Romanos 7:18

Aikuaa mbaetɨ ko mbae ikavi vae anoi cheyé. Echa chekɨ̈reɨ tëi ayapo mbae ikavi vae, ërei mbaetɨ chepuere ayapo.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

Romanos 9:3

Echa aipotaecha ayembosɨrɨ Cristo güi, metei yepopeyu oa jese vae rami, aaɨu ramo, cherɨvɨ reta. Jae ko cherëtara reta.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Gálatas 3:21

Jayave, ¿oyovaicho ra mborookuai Tumpa iñererökuavee kotɨ? ¡Mbaetɨ ko! Echa mborookuai omee yave mona tekove, añetete ko mborookuai oporombojupita tëi.

Filipenses 2:7

ërei jae oeya jare oyeapo kuimbaerä, oyeapo tembiokuairä.

Hebreos 10:12

Ërei Cristo omee jete metei veseño jekuae avei pegua, javoi oguapɨ Tumpa iyakatu kotɨ.

Hebreos 10:14

echa metei veseño omee jete vae rupi ombojupi jekuae avei pegua oñeñono tee vae reta.

Hebreos 2:14

Opaete taɨ reta ɨvɨ pegua reta ko, jáeramo Jesús etei vi oyeapo ɨvɨ peguarä, imano rupi omoamɨri vaerä aña guasu güɨnoise mbaepuere mano re vae,

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.