Romanos 7:9 - Biblia Guarani Tumpa Iñee

⁹ Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.

Nuevo Testamento Guaraní Pe

⁹ Tenonde yave mbaeti aicuaa mboroócuai jeigüe yave, che aico metei oicove catu vae rami. Erei aicuaa yave mboroócuai jeigüe, aicuaa vi cheyoa co mboroócuai jeigüe ayavɨ rambue, jare aicuaa vi amanota co.

Romanos 7:9 ပူးပေါင်းရင်းမြစ်များ

SALMOS 40:12

Echa jeta yae ikavimbae ou cheré, cherupitɨ ikavimbae ayapogüe, mbaetɨ chemomae; chea güi jeta yeyé oñemoïru cheve, mbaetɨ ma chembopuere.

San Mateo 19:20

Jayave kuimbae jei Jesús pe: —Chetaɨrusu güive aiko opaete kuae mborookuai reta jeigüe rupi. ¿Mbae ye pa oata cheve ayapo vaerä?

San Lucas 15:29

Jayave jei tu pe: ‘Mase, jeta año ma ayeokuai ndeve. Jekuaeño ayapo ndeporookuai. Ërei mbaetɨi remee cheve kavara raɨ yepe, avɨa vaerä chevɨa-ïru reta ndive.

San Lucas 18:21

Jayave jae jei chupe: —Chetaɨrusu güive aiko opaete kuae mborookuai reta jeigüe rupi.

Romanos 10:5

Echa mborookuai rupi oyembojupi vae regua Moisés oikuatía körai: “Kia nunga oyapo kuae mbaembae vae, oikoveta.”

Romanos 7:10

Jare jökorai, aikuaa mborookuai tekove peguarä vae, cheveguarä mano;

Romanos 7:11

echa mborookuai cheopia ramo, mbaeyoa jeieteño oparavɨkɨ chepɨa pe jare chembotavɨ; jare mborookuai rupi cheyuka.

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.

Romanos 7:6

Ërei añave yayeyora ma mborookuai güi, ñamano ma jókuae yayeokuaise chupe vae güi ramo, yandepuere yayeokuai ipɨau vae Espíritu pegua pe, jare agüɨye mo yayeokuai mborookuai indechi vae jei vae pe.

Romanos 7:8

Ërei mbaeyoa jeieteño oparavɨkɨ chepɨa pe chembaepotarai vaerä, mborookuai cheopia ramo; echa mbaetɨ yave mborookuai, mbaetɨ aikuaa mbaeyoa regua.

Romanos 8:7

Echa soo jemimbota reta reño oyemoambeko vae reta oyovaicho ko Tumpa kotɨ. Echa ñäteɨ jare ipuereä oyapo reta Tumpa iporookuai;

Gálatas 2:19

Mborookuai rupi ko che amano, mborookuai peguarä, aikove vaerä Tumpa peguarä.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”