Romanos 7:7 - Biblia Guarani Tumpa Iñee

⁷ ¿Mbae pa yaeta? ¿Yaeta pa mborookuai jae ko mbaeyoa? ¡Mbaetɨ ko! Ërei che mborookuai rupi aikuaa mbaeyoa. Echa ngaraa tëi aikuaa mbaepotarai, mborookuai mbaetɨ yave mona jei: “Agüɨye pembaepotarai.”

Nuevo Testamento Guaraní Pe

⁷ Mbaeti etei ñandepuere yae icavi mbae vae co mboroócuai. Mboroócuai mbaeti yave omombeu cheve mbaeyoa regua, ngaraa tei aicuaa jesegua. Echa ngaraa tei aicuaa aipota iru vae reta imbaembae yave cheyoa co, mboroócuai mbaeti yave jei: “Agüɨye eipota iru vae reta imbaembae”.

Romanos 7:7 ပူးပေါင်းရင်းမြစ်များ

GÉNESIS 3:6

Jare kuña oecha jókuae ɨvɨra iagüe ikavi yae oyeu vaerä, ipöra yae oyekuaa jesa pe, ikavi yae oupitɨ vaerä arakuaa katu; jare oipɨɨ jókuae ɨvɨra iagüe jare jou. Omee vi ime pe, jare jae jou vi jembireko rami.

2 SAMUEL 11:2

Jare metei ara kaaru yave, David opüa jupa güi, jare oë oguata o iárambo ipe kavi vae rupi; jare joko güi oecha metei kuña ipöra yae vae oyau oï.

SALMOS 119:96

Opaete mbae ikavi vae reta aecha opa, ërei ndeporookuai reta ko tuichagüe yae.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

San Lucas 20:16

Outa, opa oyuka vaerä jókuae kó iporúa reta, jare oiporukata iuvarupa ambuae vae reta pe.” Kuae oendu reta yave, jei reta: —Tumpa tiyandereepɨ.

Hechos 20:33

Mbaetɨ aipota amae ïru vae ikorepoti, ioro ani jemimonde re.

Romanos 13:9

Echa mborookuai jei körai: “Agüɨye peyuvanga menda re. Agüɨye peporoyuka. Agüɨye pemonda. Agüɨye pemiari peapu reve perapicha kotɨ. Agüɨye pembaepotarai.” Jare oime vi ïru mborookuai reta. Ërei opaete kuae mborookuai reta körai oñemometei: “Peaɨu perapicha, pe peyeaɨu rami.”

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

Romanos 4:1

¿Mbae pa yaeta? ¿Ñaneñemuñagüe Abraham mbae pa oväe opaete oyapo vae rupi?

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

Romanos 7:11

echa mborookuai cheopia ramo, mbaeyoa jeieteño oparavɨkɨ chepɨa pe jare chembotavɨ; jare mborookuai rupi cheyuka.

Romanos 7:13

Jayave, ¿jókuae ikavi vae, chererajata pa mano kotɨ? ¡Mbaetɨ ko! Jae ko oyekuaa vaerä mbaeyoa, añetete ko mbaeyoa vae ramo, cheyuka jókuae ikavi vae rupi; jökorai mborookuai jei vae rupi ou oyekuaa mbaeyoa ikavimbae yae ko vae.

Romanos 7:5

Echa yaikove yaiko ramboeve, yayapose yandepɨa jemimbota reta ikavimbae vaeño, mborookuai jei agüɨye vaerä yayapo ramo, jare yandereraja mano kotɨ.

Romanos 7:8

Ërei mbaeyoa jeieteño oparavɨkɨ chepɨa pe chembaepotarai vaerä, mborookuai cheopia ramo; echa mbaetɨ yave mborookuai, mbaetɨ aikuaa mbaeyoa regua.

1 Corintios 15:56

Echa mano ipɨ̈pia jae ko mbaeyoa. Jare mbaeyoa imbaepuere mborookuai rupi.

Efesios 5:3

Ërei agüɨye etei peyapo aguasa jare opaete teko pɨ̈chɨi, ani peipotarai mbae ambuae. Echa pe reta Tumpa peñono tee vae mbaetɨ jaekavi peyapo vaerä kuae;

DEUTERONOMIO 5:21

Agüɨye peipotarai perapicha jembireko, jo ave agüɨye peipota, iɨvɨ jare jembiokuai kuimbae ani jembiokuai kuña, igüeye ani imburika ani oipotagüe mbae perapicha imbae.’

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

1 Tesalonicenses 4:5

agüɨye pekuña pota güiño, echa jökorai ko Tumpa re güɨroviambae reta.

Hebreos 7:19

(Echa mborookuai mbaetɨ oporombojupi), ërei jendagüe pe ou yandeve ikavi yae vae, jókuae rupi yandepuere yaya Tumpa re.

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.