Romanos 7:11 - Biblia Guarani Tumpa Iñee

¹¹ echa mborookuai cheopia ramo, mbaeyoa jeieteño oparavɨkɨ chepɨa pe jare chembotavɨ; jare mborookuai rupi cheyuka.

Romanos 7:11 ပူးပေါင်းရင်းမြစ်များ

GÉNESIS 3:13

Jayave yandeYa Tumpa jei kuña pe: —¿Maera pa ko kuae reyapo? Kuña jei Tumpa pe: —Mboi ko chembotavɨ, jare jau.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

ABDÍAS 1:3

Pepɨapochɨ pe peyembotavɨuka. Peiko ɨ̈vavira ipäu rupi, jare peiko ɨvate yae vae pe, jáeramo peyererovia katu yae mbaetɨ kia ipuere pemoamɨri.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 7:13

Jayave, ¿jókuae ikavi vae, chererajata pa mano kotɨ? ¡Mbaetɨ ko! Jae ko oyekuaa vaerä mbaeyoa, añetete ko mbaeyoa vae ramo, cheyuka jókuae ikavi vae rupi; jökorai mborookuai jei vae rupi ou oyekuaa mbaeyoa ikavimbae yae ko vae.

Romanos 7:8

Ërei mbaeyoa jeieteño oparavɨkɨ chepɨa pe chembaepotarai vaerä, mborookuai cheopia ramo; echa mbaetɨ yave mborookuai, mbaetɨ aikuaa mbaeyoa regua.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Hebreos 3:13

ërei ara ñavo peñomoäta ngatu, “kuae ara” yae ramboeve, agüɨye vaerä metei ave pepɨte pegua oyembopɨatäta mbaeyoa iporombotavɨ rupi.

Santiago 1:22

Ërei peyapo ñee peendu vae. Agüɨye peenduiño. Echa peenduiño yave peyembotavɨta ko pe aeño.

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.