Romanos 6:9 - Biblia Guarani Tumpa Iñee

⁹ echa yaikuaa ko Cristo oikove ye omanogüe reta ipɨte güi vae, ngaraa ye ma omano. Jare mano mbaetɨ ma güɨnoi mbaepuere jese.

Nuevo Testamento Guaraní Pe

⁹ Echa yaicuaa quirai Tumpa omoingove ye Cristo güeru omanogüe vae reta ipɨte güi. Jae rambue Cristo ngaraa omano ye. Echa mano mbaeti ma ipuere jese.

Romanos 6:9 ပူးပေါင်းရင်းမြစ်များ

Romanos 5:14

Ërei, mano güɨnoi mbaepuere Adán güive Moisés pe, yepe tëi jae reta mbaetɨ iyoa Adán oyapo rami etei. Jare Adán oyembojaanga ko outa vae re.

Romanos 6:10

Echa Cristo omano yave, metei veseño omano mbaeyoa güi jekuae avei pegua. Ërei oikove ye yave, oikove Tumpa peguarä.

Romanos 6:14

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Romanos 6:4

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

Hebreos 7:16

ërei mbaetɨ oyeparavo ñemuña rupi mborookuai jei rami. Jaeño oyeparavo mbaepuere tekove opambae vae güɨnoi ramo.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.