Romanos 6:4 - Biblia Guarani Tumpa Iñee

⁴ Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

Nuevo Testamento Guaraní Pe

⁴ Jae rambue ñañembobautizauca yave, ñañeotɨuca Cristo ndive ñamano rambue. Erei Tumpa omoingove ye Cristo güeru omanogüe vae reta ipɨte güi imbaepuere maemboete pegua rupi. Jae ramiño vi Tumpa omee ma ñandeve tecove ipɨau vae.

Romanos 6:4 ပူးပေါင်းရင်းမြစ်များ

San Juan 11:40

Jesús jei chupe: —Amombeu ma ndeve rerovia yave, reechata Tumpa iyemboetea.

San Juan 2:11

Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

Hechos 2:24

Ërei Tumpa omoingove ye, oyora mano ipo güi, echa mano mbaetɨ ipuere jese.

Hechos 2:32

Tumpa omoingove ye kuae Jesús, jare opareve ore roecha kuae.

Romanos 6:19

Kuimbae reta ramiño chemiari aï, pepuereä peikuaa kavi ramo. Tenonde yave pemee perete peyapo vaerä mbaeyoa, peyapo vaerä pɨ̈chɨi vae jare jupimbae vae. Jökorai vi añave pemee perete peyeokuai vaerä mbaejupi pe, peñeñono tee reve Tumpa peguarä.

Romanos 6:3

ani ¿mbaetɨ pa peikuaa opaete yande yayembobautisa Cristo Jesús re vae, yayembobautisauka ma ko imano re?

Romanos 6:8

Ñamano yave Cristo ndive, yarovia yaikoveta vi jae ndive;

Romanos 6:9

echa yaikuaa ko Cristo oikove ye omanogüe reta ipɨte güi vae, ngaraa ye ma omano. Jare mano mbaetɨ ma güɨnoi mbaepuere jese.

Romanos 7:6

Ërei añave yayeyora ma mborookuai güi, ñamano ma jókuae yayeokuaise chupe vae güi ramo, yandepuere yayeokuai ipɨau vae Espíritu pegua pe, jare agüɨye mo yayeokuai mborookuai indechi vae jei vae pe.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

1 Corintios 6:14

Tumpa omoingove ye yandeYa vae, yandemoingove yeta vi ko imbaepuere pe.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

Colosenses 4:1

Mbaravɨkɨ iya reta, peyapo jupi vae jare isɨmbi vae perembiokuai reta pe, echa peikuaa ko oime vi penoi peYa ara pe.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

1 Juan 2:6

Oime yave kia “che ko jae Cristo imbae”, jei vae, toiko kavi jae oiko rami.