Romanos 5:8 - Biblia Guarani Tumpa Iñee

⁸ Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

Nuevo Testamento Guaraní Pe

⁸ Erei Tumpa oicuauca ma iporoaɨu ñandecotɨ. Echa yepe tei ñande co jae iyoa vae reta, erei Cristo omano ñanderé.

Romanos 5:8 ပူးပေါင်းရင်းမြစ်များ

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

San Juan 15:13

Mboroaɨu tuichagüe güɨnoi vae ko omee jekove ivɨa-ïru reta re.

San Juan 3:16

Echa Tumpa oaɨu yae ɨvɨ pegua reta. Jáeramo omee Taɨ jaevaeño vae, oipotagüe güɨrovia jese vae güɨnoi vaerä tekove opambae vae, ngaraa ojo kañɨtei pe.

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 5:6

Echa yande yandepuereä etei yayemboasa vaerä iara pe etei, Cristo omano iyoa vae reta re.

Romanos 5:7

Añetete, ngaraa ndipo kia oipota omano metei jupi vae jekovia pe. Ërei güɨramoi kia ikɨ̈reɨta omano metei ipɨakavi vae jekovia pe.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

Romanos 8:39

ani ɨvate yae vae, ani ɨ́vɨkotɨ yae vae, ani oipotagüe ïru mbae Tumpa oyapo vae yepe ngaraa ipuere yandembosɨrɨ Tumpa iporoaɨu güi yandeYa Cristo Jesús rupi.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.

Hebreos 8:3

Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae,

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.