Romanos 5:7 - Biblia Guarani Tumpa Iñee

⁷ Añetete, ngaraa ndipo kia oipota omano metei jupi vae jekovia pe. Ërei güɨramoi kia ikɨ̈reɨta omano metei ipɨakavi vae jekovia pe.

Nuevo Testamento Guaraní Pe

⁷ Añete co, ngaraa ndipo quia oipota omano metei jupi vae jecoviara. Erei güɨramoi quia iquɨreɨta omano metei ipɨacavi vae jecoviara.

Romanos 5:7 ပူးပေါင်းရင်းမြစ်များ

2 SAMUEL 18:27

Jare jókuae sundaro ɨvate güi omae vae jei ye: —Jókuae tenonde ou vae, Ahimaas, Sadoc taɨ osɨi vae rami etei. Jare mburuvicha guasu jei: —Jókuae kuimbae jeko kavi vae ko, ñee kavi ko aipo güeru.

2 SAMUEL 18:3

Ërei isundaro reta jei chupe: —Agüɨye jökorai oreruvicha, echa tovaicho reta pe mbaeä etei ko ore rotekuarai yave, ani oregüi omano yave mbɨte rupi; ërei nde ko ndereepɨ yae diez mil sundaro reta rami. Jáeramo, ikavi ko repɨta kuae tëta guasu peño, kuae güi remondo vaerä yemborɨ oreve.

SALMOS 112:5

Kuimbae jeko kavi vae, iporoparareko jare ombaeporuka; opaete mbaembae oyapo vae, oyapo jupi rupi kavi.

San Mateo 13:15

Echa kuae reta ipɨa täta, jare iyapɨsa pe oendu tëi, jare osapɨmiño, agüɨye vaerä oecha jesa pe, agüɨye vaerä oendu iyapɨsa pe, agüɨye vaerä oikuaa ipɨa pe, agüɨye vaerä oyerova chekotɨ, okuera reta vaerä.’

San Juan 15:13

Mboroaɨu tuichagüe güɨnoi vae ko omee jekove ivɨa-ïru reta re.

Hechos 11:24

Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Romanos 16:4

jae reta oñemoëgua mano pe chereepɨ vaerä. Jáeramo cheñoä amee yasoropai chupe reta, opaete judiombae vae oporogüɨrovia vae reta vi omee yasoropai chupe reta.

Romanos 5:6

Echa yande yandepuereä etei yayemboasa vaerä iara pe etei, Cristo omano iyoa vae reta re.

Romanos 5:8

Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

1 Juan 3:16

Kuae re yaikuaa kërai ko mboroaɨu vae, echa Jesucristo omano yanderé. Jaeramiño vi ikavi ko yande ñamee yanderekove ïru oporogüɨrovia vae reta re.