Romanos 5:2 - Biblia Guarani Tumpa Iñee

² jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Nuevo Testamento Guaraní Pe

² Jae ramiño vi yaya ma Tumpa re Jesucristo rupi ñandeporogüɨrovia jeco pegua, Tumpa ipɨacavi vaera ñandeve. Ñañemomɨrata ma Tumpa ipɨacavi re, jare ñaaro ñai yayerovia reve Tumpa ndive yaico vaera jae oñemboeteuca yave.

Romanos 5:2 ပူးပေါင်းရင်းမြစ်များ

SALMOS 17:15

Ërei che, roechata jupi rupi aiko ramo, ¡chepɨakatuta apɨta chemomba ma yave!

SALMOS 73:24

Chereroata ndeporomboarakuaa rupi, jare cherekove iyapɨ pe chemboresiveta ikavi rupi.

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Juan 10:7

Jesús jei chupe reta: “Añetete che jae peve, che ko jae vecharókai jöke rami.

San Juan 10:9

Che ko jae öke. Che rupi oike vae oyemboasaukata ko. Oiketa jare oëta jare oväeta mbae jou vaerä.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Romanos 11:20

Añete ko. Mbaetɨ oporogüɨrovia reta ramo ko, oyeekɨuka. Ërei nde reï joko pe, rerovia jeko, jáeramo agüɨye peyembotuicha. Peipoɨuño.

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Romanos 14:4

Echa ¿kia pa nde reyangao vaerä ambuae vae jembiokuai? Echa iyaño ko ipuereta jei ikavi ko ani ikaviä ko oyapogüe. Ërei ikavita ko, echa yandeYa imbaepuere yae ko oñono kavi vaerä.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 3:23

Echa opaete vae iyoa vae reta ko, mombɨrɨ ko ñogüɨnoi Tumpa iyemboetea güi.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:24

Echa ñaäro ko yayemboasauka vaerä. Echa yaecha ma vae, ngaraa ma ñaäro; echa amogüe oecha ma vae, mbaetɨ mbae re oäro vaerä.

1 Corintios 15:1

Añave, cherɨvɨ reta, aipota pomomaendúa ñee ikavi vae amombeu peve vae re, jókuae perovia jese vae jare pepɨ̈rata jese vae;

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Efesios 2:18

Echa Cristo rupi mókoi reve yandepuere yaya yandeRu re Espíritu Santo rupi.

Efesios 3:12

jese yandepuere yaike Tumpa oïa pe yandeporogüɨrovia rupi.

Efesios 6:13

Jáeramo, peiporu opaete tembiporu ñeraro pegua Tumpa omee vae, pepuere vaerä peropɨa ikavimbae iara pe, jare pemoamɨri güire pepɨ̈rata vaerä pepɨta.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

Apocalipsis 21:11

Güɨnoi reve Tumpa iyemboetea. Jembipe metei ita ipöra yae vae rami, ita ipöra yae vae jaspe jësaka vae rami.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.