Romanos 5:1 - Biblia Guarani Tumpa Iñee

¹ Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Nuevo Testamento Guaraní Pe

¹ Tumpa ñanembojupi ma ñandeporogüɨrovia jeco pegua. Jae rambue ñanoi ma mbɨacatu Tumpa ndive ñandeYa Jesucristo rupi.

Romanos 5:1 ပူးပေါင်းရင်းမြစ်များ

JOB 21:21

Echa, ¿oyerovia yeta pa jo pegua reta ndive omano yave, ani iara reta iyapɨ ma yave?

SALMOS 122:6

Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta!

ISAÍAS 27:5

Oipota reta yave ayangareko jese, toñeñono kavi reta che ndive; toyapo reta jökorai.”

ISAÍAS 32:17

Jupi vae omboyekuaata, mbɨakatu, mbutuu jare yerovia katu jekuae avei pegua.

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

ISAÍAS 55:12

Echa peyerovia katu reve kavi peëta, jare mbɨakatu ndive peyerova yeta; ɨvɨtɨ guasu reta jare ɨvɨtɨ reta otairarita perenonde, jare opaete ɨvɨra reta ñana rupigua oyepopeteta.

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

ZACARÍAS 6:13

Jae omopüa pɨau yeta yandeYa itupao, jare jae imboetea yaeta, oguapɨta guapɨa mborookuaía pegua pe oporookuai, jare oimeta sacerdote iyɨke pe; oimeta yomboarakuaa mbɨakatu pegua oyoupii.

San Lucas 19:38

jei reta reve: —¡Toyemboeteuka yandeRuvicha guasu yandeYa jee re ou vae! ¡Mbɨakatu toï ara pe! ¡Ara pegua reta tomboete Tumpa!

San Lucas 19:42

jei reve: “¡Reikuaa yave mona ndeyeupe kuae ara ko jae renoita tëi vi mbɨakatu vae! Ërei añave oñeomi oï ndegüi.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”

Romanos 1:7

Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 15:33

Tumpa güɨnoi mbɨakatu vae toï opaete pe reta ndive. Amén.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:30

Echa Tumpa meteiño ko; jae ombojupita oyembocircuncidauka vae reta iporogüɨrovia rupi. Jökoraiño vi ombojupita oyembocircuncidaukambae vae reta iporogüɨrovia rupi.

Romanos 4:5

Ërei kia mbae oyapombae reve güɨrovia jókuae iyoa vae ombojupi vae re yave, jókuae iporogüɨrovia rupi Tumpa omae jese jupi.

Romanos 5:11

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.

Romanos 5:18

Jáeramo metei vae iyoa jeko pegua Tumpa ojäa opaete vae. Jaeramiño vi metei vae jupi vae oyapo vae jeko pegua Tumpa ombojupi opaete vae tekove opambae vae peguarä.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

Romanos 9:30

¿Mbae pa yaeta? Kërai judiombae vae reta, mbaetɨ yepi oeka oyembojupiuka vaerä vae, añave oyembojupiuka ma ko mborogüɨrovia rupi;

Gálatas 2:16

yaikuaa ko ngaraa kia ipuere oyembojupiuka mborookuai jei vae oyapo vae rupi. Jaeño ipuere oyembojupiuka güɨrovia yave Jesucristo re. Jáeramo yande vi yarovia ma Jesucristo re yayembojupiuka vaerä mborogüɨrovia rupi Cristo re, mbaetɨ ko mborookuai jei vae yayapo vae rupi, echa jókuae rupi ngaraa kia ave oyembojupiuka.

Gálatas 3:25

Ërei yaporogüɨrovia ma yave, mbaetɨ ma yaiko yandeangarekoa ipo pe,

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

1 Tesalonicenses 5:23

Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,