Romanos 4:9 - Biblia Guarani Tumpa Iñee

⁹ Kuae yerovia ¿oyembocircuncidauka vae reta peguaño ra?, ani ¿oyembocircuncidaukambae vae reta pegua vi ra? Echa yae ma, kërai Abraham iporogüɨrovia rupi Tumpa omae jese jupi.

Nuevo Testamento Guaraní Pe

⁹ ¿Omee ra Tumpa cuae yerovia catu oñemocircuncidauca vae reta peño? Ani ¿omee ra oñemocircuncidauca mbae vae reta pe vi? Echa yae ma quirai Tumpa ombojupi Abraham iporogüɨrovia jeco pegua.

Romanos 4:9 ပူးပေါင်းရင်းမြစ်များ

GÉNESIS 15:6

Jayave Abram güɨrovia yandeYa, jókuae iporogüɨrovia rupi omae jese jupi.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

Romanos 4:10

Ërei ¿kërai yave ra omae jese jupi? ¿Oyembocircuncidauka ma yave ra?, ani ¿ndeiño oyembocircuncidauka mbove ra? Ndei oyembocircuncidauka yave ko.

Romanos 4:3

Echa Tumpa Iñee pe oyekuatía oï körai: “Abraham güɨrovia Tumpa re, jókuae iporogüɨrovia rupi omae jese jupi.”

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.