Romanos 4:5 - Biblia Guarani Tumpa Iñee

⁵ Ërei kia mbae oyapombae reve güɨrovia jókuae iyoa vae ombojupi vae re yave, jókuae iporogüɨrovia rupi Tumpa omae jese jupi.

Nuevo Testamento Guaraní Pe

⁵ Erei oime yave quia güɨrovia Tumpa mbae oyapo mbae reve vae, Tumpa ombojupi iporogüɨrovia jeco pegua. Echa Tumpa ombojupi iyoa vae.

Romanos 4:5 ပူးပေါင်းရင်းမြစ်များ

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

San Marcos 9:23

Jayave Jesús jei chupe: —Nde rerovia ko yave, echa opaete oporogüɨrovia vae pe mbaetɨ mbae yavai.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:29

Jayave Jesús jei: —Tumpa oipota peyapo vae jae ko, perovia vaerä cheré. Echa jae ko chembou.

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 4:24

oyekuatía vi yanderé, echa yandeporogüɨrovia rupi Tumpa omae vi yanderé jupi; kuae ko, yarovia Tumpa omoingove ye yandeYa Jesús omanogüe reta ipɨte güi vae re vae;

Romanos 4:3

Echa Tumpa Iñee pe oyekuatía oï körai: “Abraham güɨrovia Tumpa re, jókuae iporogüɨrovia rupi omae jese jupi.”

Romanos 4:6

Jáeramo David jei, kërai oyerovia katu ko jókuae mbae oyapombae reve Tumpa ombojupi vae,

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

JOSUÉ 24:2

Jare Josué jei opaete vae pe: —Körai jei yandeYa, Israel iTumpa: “Arakae ete, peñemuñagüe Taré, Abraham jare Nacor tu, yogüɨrekose ɨ̈aka Éufrates jembeɨ pe; jare omboetese reta yepi tumpa ambuae.