Romanos 4:16 - Biblia Guarani Tumpa Iñee

¹⁶ Jáeramo, morogüɨrökuavee oyeapo Abraham pe jare opaete iñemuña reta pe vae Tumpa ipɨakavi rupi ko mborogüɨrovia re, kuae mbaetɨ opaete mborookuai rupi yogüɨreko vae reta peguaño, oporogüɨrovia Abraham rami vae reta peguarä vi ko, echa jökorai jae ou opɨta yanderu rami.

Nuevo Testamento Guaraní Pe

¹⁶ Jae rambue morogüɨrocuavee mborogüɨrovia pegua co, Tumpa omee vaera morogüɨrocuavee ipɨacavi jeco pegua, jare opaete Abraham iñemoña reta añetete güɨnoi vaera. Cuae reta co opaete Abraham güɨnoi vae nunga mborogüɨrovia güɨnoi vae reta - mbaeti mboroócuai jeigüe oyapo vae retaño. Echa Abraham co jae opaete ñanderu rami.

Romanos 4:16 ပူးပေါင်းရင်းမြစ်များ

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

San Lucas 19:9

Jayave Jesús jei: —Kuae ara yemboasa ou kuae o pe. Echa jae vi ko Abraham iñemuña pegua.

Romanos 15:8

Echa che jae peve kuae: Cristo Jesús ou oyeokuai omborɨ vaerä judío reta, oikuaauka vaerä chupe reta Tumpa iñee añete vae. Echa jae ou oikuaauka vaerä Tumpa güɨrökuavee iñemuñagüe reta pe vae;

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:30

Echa Tumpa meteiño ko; jae ombojupita oyembocircuncidauka vae reta iporogüɨrovia rupi. Jökoraiño vi ombojupita oyembocircuncidaukambae vae reta iporogüɨrovia rupi.

Romanos 4:11

Jaɨkue rupi oyembocircuncidauka, oikuaauka vaerä Tumpa ombojupi ko iporogüɨrovia rupi ndei oyembocircuncidauka mbove. Jökorai Abraham ou opɨta opaete oporogüɨrovia vae oyembocircuncidaukambae vae reta tu rami. Jökorai jae reta iporogüɨrovia rupi Tumpa omae vaerä jese jupi;

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Romanos 9:8

Kuae oipota jei, kuimbae jemimbota rupi ou ñemuña vae rupiä ko Tumpa taɨ reta. Jaeño Tumpa güɨrökuavee vae rupi oñemuña vae reta ko jae ñemuña añetete vae reta.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Efesios 2:5

yepe tëi tenonde yave ñamano ñaï mbaeyoa pe, ërei omee yandeve tekove Cristo re (Tumpa ipɨakavi rupi ayemboasauka),

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

Tito 3:7

Jökorai Tumpa oyapo ñanoi vaerä tekove opambae vae, jare jókuae ñaäro ñaï yayerovia reve. Echa Tumpa yandembojupi ipɨakavi rupi.

2 Pedro 1:10

Jáeramo cherɨvɨ reta, jeieteño peñemomɨ̈rata Tumpa pereenɨi jare peparavo vae re, echa jökorai peyapo yave, ngaraa etei pegüɨapi.