Romanos 3:9 - Biblia Guarani Tumpa Iñee

⁹ ¿Kërai pa jayave? ¿Yande pa jayave ikavi yae chugüi reta? ¡Mbaetɨ ko! Yamboeko ma judío reta jare judiombae vae reta. Kërai opaete vae ñogüɨnoi mbaeyoa imbaepuere pe.

Nuevo Testamento Guaraní Pe

⁹ Jae rambue mbaeti etei ñandepuere yae judío reta icavi yae judío mbae vae reta güi. Echa yaicuauca ma quirai judío reta jare judío mbae vae reta teco güɨnoi. Echa opaete vae iyoa vae reta co.

Romanos 3:9 ပူးပေါင်းရင်းမြစ်များ

PROVERBIOS 20:9

¿Kia pa ipuere jei: “Che aitɨo ma chepɨa; mbaetɨ ma anoi mbaeyoa”?

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

San Lucas 7:39

Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

Romanos 1:18

Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi.

Romanos 11:32

Echa Tumpa omaeño opaete vae ñeereendumbae rupi yogüɨreko vaerä. Jökorai oiparareko vaerä opaete vae.

Romanos 11:7

¿Kërai pa jayave? Echa Israel pegua reta mbaetɨ güɨnoi jókuae oeka reta tëi güɨnoi vaerä vae. Ërei Tumpa oiparavo vae reta oime güɨnoi. Jare ïru reta oyembopɨatätauka.

Romanos 2:1

Jáeramo nde kuimbae: “Mbaetɨ aikuaa” rere rapeä ko. Echa nde remboeko yave ïru vae, reyemboeko vi ko nde aeño, echa nde reporomboeko vae, teko iyapoa vi ko.

Romanos 3:1

Jáeramo, ¿mbae pe pa judío reta ani oyembocircuncida vae reta oporoapɨraa?

Romanos 3:19

Ërei yaikuaa ko opaete mborookuai jei vae, jei ko mborookuai güɨnoi vae reta pe, agüɨye vaerä mbae jei jare opaete vae oike vaerä Tumpa iporojäa pe;

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

Romanos 7:14

Echa yaikuaa mborookuai espíritu pegua ko; ërei che aiko soo jemimbota reño, añemee mbaeyoa pe.

1 Corintios 10:19

Kuae rupi mbaetɨ aipota jae metei tumpa-raanga Tumpa ko vae, ani tumpa-raanga pe mɨmba oyeyuka oñemee vae isoo, ambuaeyee ko ïru soo güi.

1 Corintios 14:15

¿Kërai pa jayave? Tayerure espíritu rupi jare tayerure vi aikuaa reve kavi. Jaeramiño vi tatairari espíritu rupi jare tatairari vi aikuaa reve kavi.

1 Corintios 4:7

Echa ¿kia pa ndembotuicha yae ïru güi? ¿Mbae pa renoi Tumpa omeeä ndeve reve? Tumpa ko omee ndeve opaete renoi vae. Jáeramo ¿maera pa reyemboete, ndeyeugüi aeño renoi rami?

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Filipenses 1:18

Ërei jaekaviño ko. Echa yepe tëi jökorai reve omombeu reta ko Cristo regua, jókuae chemboyerovia. Jare jekuaeñoi ko ayeroviata,