Romanos 3:4 - Biblia Guarani Tumpa Iñee

⁴ ¡Mbaetɨ ko! Echa Tumpa oyapo opaete añete vae rupi, yepe tëi opaete ɨvɨ pegua reta iyapu vae ko. Oyekuatía oï körai: “Neñee rupi, reyembojupiukata, jare reñejäauka yave, ngaraa ndereko.”

Nuevo Testamento Guaraní Pe

⁴ Mbaeti etei co. Echa Tumpa oyapo opaete añete vae rupi, yepe tei opaete ɨvɨ pegua reta yapu vae reta co. Echa Tumpa iñee pe oyecuatía oi Tumpa re corai: Nemiari yave, oyecuaata añete vae co jocuae nde rere vae. Jare iru vae reta nemboeco yave, reicuaucata jupi vae co nde reyapo vae. Jocorai oyecuatía oi.

Romanos 3:4 ပူးပေါင်းရင်းမြစ်များ

JOB 36:3

Aiporuta tuicha rupi chearakuaa, aechauka vaerä cheApoa jaekavi ko oyapo oï vae.

JOB 40:8

¿Mbaetɨ vi pa nde rembojupi cheporojäa, reipota chemboeko, repɨta vaerä jekombae?

SALMOS 100:5

Echa yandeYa ipɨakavi ko; iporoparareko jekuae avei vae ko, jare iñee ombopo avei vae ko.

SALMOS 116:11

Ayemongetambae reve jae: “Opaete vae yapu vae päve ko.”

SALMOS 119:160

Neñee añetete vae katuai ko, jupi jare opambae ko opaete ndeporookuai reta.

SALMOS 138:2

Ayetavatɨkata ndetupao oñeñono tee vae kotɨ amae reve, ameeta yasoropai ndeporoparareko añete vae re, echa rembotuicha nderee jare neñee opaete mbaembae güi.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

San Lucas 20:16

Outa, opa oyuka vaerä jókuae kó iporúa reta, jare oiporukata iuvarupa ambuae vae reta pe.” Kuae oendu reta yave, jei reta: —Tumpa tiyandereepɨ.

San Juan 3:33

Jae omombeu vae güɨrovia vae, oikuaauka ïru vae reta pe güɨrovia ko Tumpa iñee añete ko.

Romanos 11:1

Añave taparandu: ¿Tumpa omombo ra tëta imbae vae? ¡Mbaetɨ ko! Echa che vi ko jae metei Israel pegua, Abraham iñemuña, Benjamín iñemuña pegua.

Romanos 11:11

Ërei taparandu: ¿Israel pegua reta opa ra oa jekuae avei pegua? ¡Mbaetɨ ko! Iyoa reta jeko pegua yemboasa ou judiombae vae reta pe, jökorai jae reta oñemoägüɨro vaerä.

Romanos 3:31

Jayave, ¿mborogüɨrovia rupi yamboai ra mborookuai? ¡Mbaetɨ ko! Jeieteño ko ñamomɨ̈rata mborookuai.

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 7:13

Jayave, ¿jókuae ikavi vae, chererajata pa mano kotɨ? ¡Mbaetɨ ko! Jae ko oyekuaa vaerä mbaeyoa, añetete ko mbaeyoa vae ramo, cheyuka jókuae ikavi vae rupi; jökorai mborookuai jei vae rupi ou oyekuaa mbaeyoa ikavimbae yae ko vae.

Romanos 7:7

¿Mbae pa yaeta? ¿Yaeta pa mborookuai jae ko mbaeyoa? ¡Mbaetɨ ko! Ërei che mborookuai rupi aikuaa mbaeyoa. Echa ngaraa tëi aikuaa mbaepotarai, mborookuai mbaetɨ yave mona jei: “Agüɨye pembaepotarai.”

Romanos 9:14

¿Mbae pa yaeta jayave? ¿Tumpa jupiä pa jayave? ¡Mbaetɨ ko!

1 Corintios 6:15

¿Mbaetɨ pa peikuaa perete jae ko Cristo jete? ¿Aekɨta pa Cristo jete güi amee iyaguasa pota vae pe? ¡Ngaraa ko!

2 Corintios 1:18

Tumpa oikuaa ko ngaraa roe roeiño.

Gálatas 2:17

Jare yande vi yayembojupiuka Cristo rupi yave, yaecha yande vi yepe jae iyoa vae, jayave ¿Cristo jae ra mbaeyoa pe oyeokuai vae? ¡Mbaetɨ ko!

Gálatas 2:21

Mbaetɨ aröɨro Tumpa ipɨakavi; echa mborookuai jei vae rupi yandepuere yayembojupi yave, Cristo omanoiñota ma ko.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 Juan 5:10

Tumpa Taɨ re güɨrovia vae, güɨnoi ko ipɨa pe jókuae oñemoërakua vae; mbaetɨ güɨrovia Tumpa re vae, omboapu ko Tumpa, echa mbaetɨ güɨrovia Tumpa omombeu Taɨ regua vae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: