Romanos 2:9 - Biblia Guarani Tumpa Iñee

⁹ oiporarata ko jare ipɨatɨtɨta ko opaete ikavimbae oyapo vae reta, tenonde ete judío reta, jaɨkue rupi judiombae vae reta vi.

Nuevo Testamento Guaraní Pe

⁹ Opaete ɨvɨ pegua icavi mbae vae oyapo vae reta oiporarata co jare ipɨatɨtɨta co - judío reta rani jare judío mbae vae reta vi.

Romanos 2:9 ပူးပေါင်းရင်းမြစ်များ

2 CRÓNICAS 6:23

nde eendu ara güi, eyapo jupi vae nderembiokuai reta pe. Jeko vae toiporara jeko re aeño, jare jekombae vae embojupi jeko kavi rupi.

SALMOS 32:10

Jasɨ katu yaeta ko oiko jupimbae; ërei ngatu yandeYa re oyeko vae, mboroparareko oñova.

PROVERBIOS 11:23

Jupi vae reta jemimbota ikavi vaeño ko; ërei iyoa vae reta oipota vae, oporomboarasɨuka vaeräño.

EZEQUIEL 18:4

Chembae ko opaete vae; michia reta jare tu reta. Kia iyoa vae, omanota ko.

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

AMÓS 3:2

“Pe retaño poparavo opaete ɨvɨ pegua reta ipɨte güi, jáeramo, aiporaraukata peve opaete peyoa reta re.”

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.

Hechos 28:17

Jare mboapɨ ara ma oasa güire, Pablo oenɨiuka judío reta itenondegua reta. Jare oyemboatɨ reta yave, jae jei chupe reta: —Tëtara reta, yepe tëi ayapoä mbae nunga teko ñanerëtaɨgua reta kotɨ ani ñaneñemuñagüe reta iporomboe kotɨ, ërei Jerusalén pegua reta chepɨɨ chemee Romaɨgua reta ipo pe.

Hechos 28:28

Peikuaa kuae, añave güive Tumpa iporomboasa güeru judiombae vae reta pe. Jare jae reta oyeapɨsakata jese.

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Romanos 10:12

Echa judío jare judiombae vae ndive Tumpa mbaetɨ ko omboyoavɨ. Echa yandeYa ko jae opaete vae iYa, jare jae omee jeta, oyerure chupe vae reta pe.

Romanos 2:10

Ërei imboeteata jare ipɨakatuta, opaete ikavi vae oyapo vae reta, tenonde ete judío reta, jaɨkue rupi judiombae vae reta vi.

Romanos 8:35

¿Kia ra yandembosɨrɨta Cristo iporoaɨu güi? ¿Tembiporara guasu ra, ani mbɨatɨtɨ, ani ïru vae reta oyapo ikavimbae vae yandeve vae, ani yɨmbɨaɨ, oata temimonde vae, ani manoɨvɨ ani mano?

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

2 Tesalonicenses 1:6

Echa jupi ko Tumpa oiporarauka vaerä jókuae oiporarauka peve vae reta pe,

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?