Romanos 2:4 - Biblia Guarani Tumpa Iñee

⁴ Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Nuevo Testamento Guaraní Pe

⁴ Nde reroɨro reico Tumpa ipɨacavi jare quirai Tumpa omoaguata jare ipɨaguasu ndeve. Reicuaa co quirai Tumpa ipɨacavi ndeve, nde reeya vaera icavi mbae vae ndepɨa pe oi vae.

Romanos 2:4 ပူးပေါင်းရင်းမြစ်များ

SALMOS 10:11

Ipɨa pe jei: “¡Tumpa iñakañɨ chegüi! ¡Oñomi jova ngaraa chereecha!”

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

SALMOS 31:19

¡Tuicha yae ko ndepɨakavi, oipoɨu ndegüi vae reta kotɨ! Kuimbae reta jovake remee nderé oyeko vae reta pe.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

ISAÍAS 30:18

Ërei yandeYa oärota, güɨnoi vaerä mboroparareko peré, oïndaivi oï oechauka vaerä mboroparareko peve, echa yandeYa jae ko Tumpa jupi vae. ¡Oyekou, opaete jese oyeko vae reta!

JEREMÍAS 7:10

Javoi peyu kuae o cheree oñeenɨia pe peñeñono cheróvai. ¿Perovia pa jaekavi peiko jökorai, perovia pa jaekavi peyapoño vaerä jókuae ikavimbae reta mbaetɨ aropɨa vae?

EZEQUIEL 11:19

Aekɨta chugüi reta ipɨatäta ita rami vae, jare ameeta chupe reta ipɨarä ipɨau kavi vae jare yemongeta ipɨau vae.

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

Romanos 10:12

Echa judío jare judiombae vae ndive Tumpa mbaetɨ ko omboyoavɨ. Echa yandeYa ko jae opaete vae iYa, jare jae omee jeta, oyerure chupe vae reta pe.

Romanos 11:22

¡Mase! Tumpa ipɨakavi ko jare iyarasɨ vi. Oiporarauka jókuae Israel pegua oyavɨ vae reta pe. Ërei ipɨakavita ko ndeve reroviaä jese yave, ërei mbaetɨ yave, ndeasɨata vi ndemombo.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

Romanos 6:1

¿Mbae pa yaeta? ¿Jeieteñota pa yayapo mbaeyoa, Tumpa ipɨakavi yae vaerä?

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

2 Corintios 8:2

Kërai oiporara yae reta reve, oyerovia yae reta; jare yepe tëi iparavete yae reta reve, omee reta jeta ipɨakavi yae reve.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 2:4

Ërei Tumpa yandeparareko yae, jare yanderaɨu yae ramo,

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Filipenses 4:19

Jáeramo, cheRu Tumpa omeeta peve opaete mbaembae oata peve vae, Cristo Jesús re jeta mbaeyekou güɨnoi vae rupi.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

1 Pedro 3:20

Echa Noé oiko yave jae reta mbaetɨ güɨrovia Tumpa jei vae, yepe tëi Tumpa ipɨaguasu chupe reta jare oäro Noé jókuae barco guasu oyapo oiko ramboeve. Ërei juriño oasayepe ɨ güi.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.

2 Pedro 3:15

Peikuaa kërai yandeYa ipɨaguasu ko yandeve yayemboasauka vaerä. Jare kuae re yanderɨvɨ Pablo yaaɨu vae oikuatía ma peve arakuaa Tumpa omee chupe vae rupi.

2 Pedro 3:3

Aipota peikuaa kuae räri: Ara taɨkuegua reta pe oimeta oporoyóyai yóyai vae reta, isoo jemimbota ikavimbae reño yogüɨreko vae reta,

2 Pedro 3:9

YandeYa oipotaíä ko ndeiño ombopo iñee, echa yandeYa ipɨaguasu ko yandeve, mbaetɨ ramo oipota metei ave okañɨtei, jae oipota opaete oyerova ikotɨ vae.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.