Romanos 2:2 - Biblia Guarani Tumpa Iñee

² Ërei yaikuaa Tumpa iporojäa añete vae rupi ko, jókuae teko ikavimbae vae iyapoa reta kotɨ.

Nuevo Testamento Guaraní Pe

² Erei yaicuaa quirai Tumpa ojaa añete vae rupi jocuae jeco icavi mbae vae reta oyapo vae reta.

Romanos 2:2 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

JOB 34:23

Tumpa mbaetɨ ombojee ara kuimbae pe, oñeñono vaerä jóvai oñejäauka vaerä.

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 9:4

Echa reyapo cheve jupi vae jare chereepɨ, reguapɨ ndeguapɨa pe, reporojäa jupi rupi.

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

EZEQUIEL 18:29

Ërei Israel pegua reta jei yave cheve, mbaetɨ jupi ayapo. ¿Che ra mbaetɨ jupi ayapo? ¿Israel pegua retaä ra jupimbae oyapo?

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Romanos 2:1

Jáeramo nde kuimbae: “Mbaetɨ aikuaa” rere rapeä ko. Echa nde remboeko yave ïru vae, reyemboeko vi ko nde aeño, echa nde reporomboeko vae, teko iyapoa vi ko.

Romanos 2:3

Jare nde kuimbae, reporomboeko vae, nde vi teko iyapoa vae, ¿reyemongeta pa reasayepeta Tumpa iporojäa güi?

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Romanos 9:14

¿Mbae pa yaeta jayave? ¿Tumpa jupiä pa jayave? ¡Mbaetɨ ko!

Apocalipsis 16:5

Jare aendu araɨgua ɨ re mbaepuere güɨnoi vae jei: “OreYa Tumpa, nde ko jupi vae, iyɨpɨ güive jare añave reiko vae, Iyoambae vae, echa rejäa opaete mbaembae,

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”