Romanos 2:16 - Biblia Guarani Tumpa Iñee

¹⁶ jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

Nuevo Testamento Guaraní Pe

¹⁶ Jocorai oñejaauca retata co, Tumpa ojaa yave ɨvɨ pegua reta Jesucristo rupi. Echa jocuae ara oyecuaata co opaete vae oyapo vae tenonde yave mbaeti oyecuaa vae. Jare Tumpa oporojaata ñee icavi vae che amombeu vae re.

Romanos 2:16 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

SALMOS 50:6

Jare ara reta omombeuta jupi ko vae, echa Tumpa jae ko oporojäa vae.

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

ECLESIASTÉS 3:17

Jare jae cheyeupe: “Tumpa ojäata jupi vae jare jupimbae reta, echa oime ara, opaete mbaembae peguarä jare oyeapo vaerä.”

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Lucas 8:17

Oime yave mbae oñeomi vae, oyekuaa ñotai ko. Jaeramiño vi oime yave mbae oyekuaambae vae, oyekuaa ñotai ko.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Hechos 10:42

Jare jae oreokuai romoërakua vaerä ïru vae reta pe, jare oremiari vaerä chupe reta kërai Tumpa oiparavo ojäa vaerä oikove vae reta jare omanogüe reta.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Romanos 3:6

¡Mbaetɨ ko! Echa Tumpa jupiä ko yave, ¿këraita pa ojäa ɨvɨ pegua reta?

1 Corintios 15:1

Añave, cherɨvɨ reta, aipota pomomaendúa ñee ikavi vae amombeu peve vae re, jókuae perovia jese vae jare pepɨ̈rata jese vae;

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Gálatas 1:11

Peikuaa kuae re cherɨvɨ reta: Kuae ñee ikavi vae che amoërakua vae mbaetɨ ko kuimbae iyemongeta.

1 Timoteo 1:11

Kuae mboromboe ñee ikavi vae Tumpa iyemboetea yae vae regua, cheve oñemee vae ko.

2 Timoteo 2:8

Nemaendúa Jesucristo, David iñemuña pegua re, kërai jae oikove ye omanogüe reta ipɨte güi, ñee ikavi vae amoërakua rami.

2 Timoteo 4:1

Jáeramo, royókuai Tumpa jare yandeYa Jesucristo jovake, echa jae ojäata oikove vae reta jare omanogüe vae reta, ou ye yave oporookuai vaerä,

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

1 Pedro 4:5

Ërei jae reta vi oyemboɨta Tumpa jóvai, jae ojäa yave oikove vae reta jare omanogüe reta,

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.