Romanos 2:12 - Biblia Guarani Tumpa Iñee

¹² Echa opaete iyoa Moisés iporookuai mbaetɨ güɨnoi reve vae, mborookuai güɨnoimbae reve yogüɨrajata kañɨtei pe. Ërei opaete iyoa Moisés iporookuai güɨnoi reve vae reta, oñejäaukata jókuae mborookuai rupi;

Nuevo Testamento Guaraní Pe

¹² Echa opaete Moisés iporoócuai mbaeti güɨnoi vae iyoa vae reta yogüɨrajata cañɨtei pe, yepe tei mbaeti güɨnoi Moisés iporoócuai. Jare opaete Moisés iporoócuai güɨnoi vae iyoa vae reta oñejaaucata Moisés iporoócuai re.

Romanos 2:12 ပူးပေါင်းရင်းမြစ်များ

San Mateo 11:22

Ërei che jae peve, Tumpa ojäa yave ɨvɨ pegua reta, pe Corazín jare Betsaida peiporara yaeta Tiro jare Sidón oiporara vae güi.

San Mateo 11:24

Ërei che jae peve, Tumpa ojäa ɨvɨ pegua reta yave, Capernaum pegua reta oiporara yaeta Sodoma pegua reta güi.”

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

1 Corintios 9:21

Jare Moisés iporookuai mbaetɨ güɨnoi vae reta ndive aï yave, che aiko vi jae reta rami, jae reta vi güɨrovia vaerä Cristo re (kuae mbaetɨ oipota jei aikoä ma Tumpa iporookuai re. Echa che aiko Cristo iporookuai re).

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

DEUTERONOMIO 27:26

‘Tijeko mbaetɨ omboete ani mbaetɨ oyapo kuae mborookuai reta jeigüe vae.’ Jare opaete vae tei: ‘Amén.’

Santiago 2:10

Echa oime yave kia oyapo opaete mborookuai jei vae, ërei metei oyavɨ yave, oyavɨ ma opaete mborookuai.