Romanos 15:3 - Biblia Guarani Tumpa Iñee

³ Echa Cristo etei mbaetɨ oyemboyerovia jaeño. Ërei, oyapo Tumpa Iñee oyekuatía oï rami: “Ndeangao vae reta cheangao vi.”

Nuevo Testamento Guaraní Pe

³ Echa Cristo etei mbaeti oyapo jae oipota oyapo vaeño. Jae oyapo Tumpa jemimbota. Echa Tumpa iñee pe oyecuatía oi corai: “Jei icavi mbae vae ndeve vae jei icavi mbae vae cheve vi —jei Cristo Tumpa pe”. Jocorai oyecuatía oi.

Romanos 15:3 ပူးပေါင်းရင်းမြစ်များ

SALMOS 69:20

Cheyóyai yóyai yae reta vae chembopɨtu yae jare chembopɨatɨtɨ yae. Aäro kia cheparareko vaerä, ërei mbaetɨ; jare oporombopɨakatu vae ave mbaetɨ aväe.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

San Mateo 10:25

Jaekaviño ko oyemboe, imboea ramiño. Jare jaekaviño vi ko tembiokuai, iya ramiño. Metei o pe tenondegua vae pe ‘Beelzebú’ jei vae yave, vɨtei pa taɨ reta pe.

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Mateo 26:42

Jayave Jesús ojo ye oyerure mokoía ma: “CheRu, nde reipota yave aiporara vaerä, toyeapo cheve nde rere vae.”

San Mateo 27:44

Jare imonda vae reta Jesús ndive oyekutuuka vae jei reta vi ikavimbae vae chupe.

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

San Juan 15:24

Mbaetɨ yave mona mbae ayapo ipɨte reta pe mbaetɨi kia oyapo vae, ngaraa tëi teko güɨnoi reta. Ërei jae reta oecha tëi reve chemotareɨ reta jare cheRu oremotareɨ vi.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

San Juan 8:29

Echa chembou vae oï che ndive. CheRu mbaetɨ chereeya che aeño. Echa ayapo avei jae oipota vae.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Filipenses 2:5

Peyemongeta oyokotɨ, Cristo Jesús oyemongeta rami.

Filipenses 2:8

Jare kuimbaerä oyeapo ma yave, oñemomichi yeti, oyapo Tumpa jei vae omano regua, omano kurusu re.