Romanos 14:3 - Biblia Guarani Tumpa Iñee

³ Opaete mbae jou jouiño vae, agüɨye togüɨröɨro mbaetɨ mbae jou jouiño vae. Jare jókuae mbaetɨ mbae jou jouiño vae, agüɨye toyangao opaete mbae jou vae re. Echa Tumpa imbae ko.

Nuevo Testamento Guaraní Pe

³ Opaete mbaembae ipuere jou vae agüɨye togüɨroɨro mbaeti soo jou vae. Jare mbaeti soo jou vae agüɨye toñangao opaete mbaembae ipuere jou vae. Echa jae co Tumpa imbae.

Romanos 14:3 ပူးပေါင်းရင်းမြစ်များ

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 9:14

Jayave Juan jemimboe reta oya Jesús re jare oparandu reta chupe: —¿Maera pa ore jare fariseo reta royekuakuñoi tembíu güi, ërei nderemimboe reta oyekuakúä?

San Lucas 18:9

Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

Hechos 10:34

Jayave Pedro jei chupe reta: —Añetete aikuaa ma kërai Tumpa mbaetɨ oporomboyoavɨ.

Hechos 10:44

Jare Pedro imiari oï ramboeve, Espíritu Santo ou opaete kuae ñemoñee oendu vae reta re.

Hechos 28:2

Jare joko pegua reta ipɨakavi yae ore ndive. Oremboresive kavi reta, oyatapɨ reta tuicha, ama okɨ jare iroɨ ramo.

Romanos 11:15

Echa Tumpa omombo vae rupi ɨvɨ pegua reta güɨnoi mbɨakatu Tumpa ndive. Vɨtei pa Tumpa omboresive reta ye yave, güeruta tekove omano vae reta pe.

Romanos 14:1

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

Romanos 14:10

Nde ¿maera pa reyangao jayave nerëtara?, jare nde ¿maera pa reporogüɨröɨro? Echa opaete yande yayemboɨta Cristo jóvai, ñanejäa vaerä.

Romanos 14:13

Jáeramo agüɨye mo yayoangao ïru vae ndive, jaeño yaeka agüɨye vaerä ïru oporogüɨrovia vae ogüɨapi yandereko pegua.

Romanos 14:15

Ërei rembopɨatɨtɨ ïru oporogüɨrovia vae reu vae rupi yave, mbaetɨ ko reporoaɨu. Agüɨye nderembíu jeko pegua tokañɨtei jókuae Cristo omano jese vae.

Romanos 14:21

Ikavi ko agüɨye reu soo, ani vino, ani oipotagüe mbae ïru oporogüɨrovia vae ipuere ombogüɨapi, omboarasɨ ani ombopɨtu vae.

Romanos 15:7

Jáeramo metei ñavo peyomboresive kavi, Cristo yandemboresive rami, oyemboete vaerä Tumpa.