Romanos 11:8 - Biblia Guarani Tumpa Iñee

⁸ Tumpa Iñee pe jei rami: “Tumpa omee chupe reta agüɨye vaerä iyarakuaa reta. Jáeramo yepe tëi omongeta reta Tumpa Iñee, ërei mbaetɨ oikuaa reta, jare yepe tëi oendu reta Tumpa iñee, ërei mbaetɨ güɨrovia reta añave regua.”

Nuevo Testamento Guaraní Pe

⁸ Echa Tumpa iñee pe oyecuatía oi corai: “Tumpa oyapo chupe reta agüɨye vaera iyaracuaa. Jae rambue yepe tei omongueta Tumpa iñee, erei mbaeti oicuaa, jare yepe tei oendu Tumpa iñee, erei mbaeti güɨrovia. Jare jecuaeño corai oi”. Jocorai oyecuatía oi.

Romanos 11:8 ပူးပေါင်းရင်းမြစ်များ

2 REYES 17:34

Jekuaeñoi añave rupi oyapo reta tenonde rupi oyapo reta rami, mbaetɨ oipoɨu reta yandeYa güi, mbaetɨ oñovatu reta iporookuai, mbaetɨ oyapo reta mborookuai jei rami, yandeYa omee Jacob iñemuña reta pe vae, jae ombojee Jacob, Israel pe vae.

2 REYES 17:41

Echa oipoɨu reta tëi yandeYa güi jare omboete reta vi tumpa-raanga reta. Jökoraiño vi taɨ reta jare jɨmɨmino reta oyapo iñemuñagüe reta rami, añave regua.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 6:9

Jare jae jei cheve: “Ekua jare ere kuae tëta pe: ‘Peendu kavi, ërei ngaraa peikuaa; peecha kavi, ërei ngaraai peikuaa kavi.’

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 20:26

Amaeño jese reta, oyemongɨa reta vaerä mbota omee reta itumpa-raanga reta pe vae rupi, taɨrɨpɨ reta omee oyeapɨ vaerä yave. Kuae ayapo ambopɨatɨtɨ reta vaerä, jare aikuaauka vaerä chupe reta, che jae ko iYa Tumpa vae.’ ”

San Lucas 8:10

Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

Hechos 28:26

“Ekua jare ere kuae tëta pe: Peendu tëita, ërei ngaraa peikuaa. Peecha tëita, ërei ngaraa peecha.

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.