Romanos 10:6 - Biblia Guarani Tumpa Iñee

⁶ Ërei mborogüɨrovia rupi oyembojupiuka vae re Tumpa jei körai: “Agüɨye ndepɨa pe ere: ‘¿Kia ra oyeupita ara pe?’ (Kuae ko güeru vaerä ɨvɨ pe Cristo),

Nuevo Testamento Guaraní Pe

⁶ Erei oñembojupiuca mborogüɨrovia rupi vae re Tumpa jei corai: “Agüɨye eñemongueta ndepɨa pe: ¿Quia ra oyeupita ara pe güeru vaera cuae ɨvɨ pe Cristo?

Romanos 10:6 ပူးပေါင်းရင်းမြစ်များ

PROVERBIOS 30:4

¿Kia pa oyeupi ara kotɨ jare ogüeyɨ ye? ¿Kia pa ipuere oipɨɨ ɨvɨtu? ¿Kia pa ipuere ɨ oyapɨkua? ¿Kia pa opa oñono kavi ɨvɨ jembeɨ reta? ¿Mbae pa jee, jare mbae pa taɨ jee? ¡Ere cheve reikuaa yave!

San Juan 6:33

Echa mbɨyape Tumpa omee vae, jae ko jókuae ara güi ou vae. Jae omee tekove ɨvɨ pegua reta pe.

San Juan 6:38

Echa agüeyɨ ara güi ayapo vaerä chembou vae jemimbota. Mbaetɨ ayu ayapo vaerä cheremimbota.

San Juan 6:58

Che ko jae mbɨyape ara güi ou vae. Kuae mbɨyape mbaetɨ ko maná peñemuñagüe reta jou ñuu pe vae rami, echa jeseve jae reta opa omano. Ërei oipotagüe kuae mbɨyape jou vae, oikoveta jekuae avei pegua.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:25

jae ko Tumpa omee, oime vaerä ñɨ̈ro jugüɨ rupi yarovia yave, jökorai oyekuaa kërai Tumpa jupi ko, arakae iñɨ̈ro yave ipɨaguasu reve opaete mbaeyoa reta re;

Romanos 4:13

Echa Tumpa güɨrökuavee Abraham jare iñemuña reta pe omee vaerä imbaerä ɨvɨ. Ërei mbaetɨ güɨrökuavee chupe reta mborookuai jei vae oyapo reta ramo, omee ko chupe reta iporogüɨrovia rupi omae jese jupi ramo.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.