Romanos 10:2 - Biblia Guarani Tumpa Iñee

² Echa chepuere chemiari jesegua reta, kërai jae reta ikɨ̈reɨ yae oyeokuai tëi Tumpa pe, ërei mbaetɨ añete vae oikuaa kavi reve.

Nuevo Testamento Guaraní Pe

² Echa chepuere amombeu jesegua reta quirai oipota yae oyeócuai Tumpa pe, erei oyeócuai tei chupe oicuaa mbae reve.

Romanos 10:2 ပူးပေါင်းရင်းမြစ်များ

2 REYES 10:16

jei reve chupe: —Chemoïru jare reechata cherägüɨro yandeYa re vae. Jökorai omboyeupi ikäretou pe.

SALMOS 14:4

¿Mbaetɨ ra ipuere oikuaa opaete oyapogüe jupimbae ko vae? Omboendagüe oeya cherëta pegua reta kia mbɨyape jou ramiño; jókuae mbaetɨ oyerure yandeYa pe vae reta.

PROVERBIOS 19:2

Mbaetɨ arakuaa güɨnoi vae, mbaetɨ ikavi, mbae oyeapo rai rai voi vae, mbaeyavɨ ko.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 21:28

jare osapúkai reve jei: “Kuimbae Israel pegua reta, oremborɨ. Kuae kuimbae oporomboe opaete kerupi, oyovaicho vaerä yande kotɨ, mborookuai kotɨ jare kuae tupao kotɨ. Jare güeru vi griego reta güɨroike tupao pe, jökorai omongɨauka kuae o oñeñono tee vae.”

Hechos 22:22

Jare Pablo kuae jei yave, tëta guasu pegua reta mbaetɨ ma oipota oyeapɨsaka jese. Osapúkai reve jei reta: “Tomano jókuae kuimbae. Echa jupía oikove oiko vaerä.”

Hechos 22:3

“Che ko jae metei judío. Aa Tarso Cilicia pegua pe, ërei akuakuaa kuae tëta guasu pe. Gamaliel chemboe kavi ñaneñemuñagüe reta iporookuai re. Che ayapo avei Tumpa jei vae, opaete pe reta añave peyapo rami.

Romanos 10:1

Cherɨvɨ reta, añetete chepɨa pe aipota yae jare ayerure Tumpa pe vae ko Israel pegua reta oyemboasauka vaerä.

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

2 Corintios 8:3

Chepuere amombeu peve kërai jae reta omee güɨnoi rupi vae, jare oasa ye omee reta güɨnoi vae güi,

Gálatas 1:14

Jare judío reta iporomboe re oasa ete ye cherëtaɨgua cheaveigua reta jeta vae güi. Echa cherägüɨro yae cheñemuñagüe reta jeko re.

Gálatas 4:15

¿Jama pa jókuae yerovia penoi yepi vae? Echa chepuere jae peregua kuae: Pepuere yave mona, peekɨta ko viña peresäɨ peyeugüi, pemee vaerä cheve.

Filipenses 1:9

Jare ayerure Tumpa pe okuakuaa avei vaerä ojo peporoaɨu peikuaa katu reve jare pearakuaa katu reve,

Filipenses 3:6

cherägüɨro ramo ayapo yepi ikavimbae vae Cristo re güɨrovia vae reta pe. Mbaetɨ kia ipuere chemboeko mbae re, echa aiko jupi rupi mborookuai jei rami.

Colosenses 4:13

Echa che etei chepuere amombeu peve kërai Epafras oyemoambeko täta peré, jare Laodicea jare Hierápolis pegua reta re.