Romanos 10:1 - Biblia Guarani Tumpa Iñee

¹ Cherɨvɨ reta, añetete chepɨa pe aipota yae jare ayerure Tumpa pe vae ko Israel pegua reta oyemboasauka vaerä.

Nuevo Testamento Guaraní Pe

¹ Cherɨvɨ reta, aipota yae Israel pegua reta oñemboasauca vaera. Jae rambue ayerure Tumpa pe jese reta.

Romanos 10:1 ပူးပေါင်းရင်းမြစ်များ

ÉXODO 32:10

¡Añave, emaeño tachearasɨ ikotɨ reta, jare opata amboai reta! Ërei ndegüi ayapota metei tëtaguasu tuicha yae vae.

ÉXODO 32:13

Nemaendúa nderembiokuai Abraham, Isaac jare Israel re, kuae reta pe nde etei reñererökuavee nderee re, jare rere chupe reta: “Che amoñemuñata peñemuña reta yasɨtata rami, jare ameeta peñemuña reta pe opaete kuae ɨvɨ chemiari jese peve vae, jare oikota jae reta imbaerä jekuae avei pegua.”

JEREMÍAS 17:16

Ërei che cheYa, mbaetɨ romoñera reiporarauka vaerä chupe reta, mbaetɨ vi aipota chupe reta mbaesusere. Nde reikuaa kavi, mbae ko jae nderóvai vae,

JEREMÍAS 18:20

¿Ikavimbae pe yera oyemboekovia ikavi vae? ¡Jae reta oyoo rami ɨvɨkua cherekove peguarä! Nemaendúa che añeñono nderóvai romoñera vaerä jese reta, rembosɨrɨ vaerä chugüi reta ndearasɨ.

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Juan 5:34

Ërei che mbaetɨ aeka kia imiari vaerä cheré, ërei kuae che jae peve peyemboasauka vaerä.

Romanos 10:2

Echa chepuere chemiari jesegua reta, kërai jae reta ikɨ̈reɨ yae oyeokuai tëi Tumpa pe, ërei mbaetɨ añete vae oikuaa kavi reve.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:35

Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.